Nepal's No.1 Filmy Web Magazine
स्वर्गीय अभिनेता बीएस राणाकी पत्नी र छोरीको उपचार सहयोगार्थ चलचित्र विकास बोर्ड अन्तर्गतको चलचित्रकर्मी कल्याणकारी कोषबाट एक लाख सहयोग गरिएको छ । बुधबार कोष समितिले हाल उनीहरुलाई आश्रय दिएको ललितपुरस्थित स्नेही काख पुगेर सहयोग प्रदान गरेको हो । बोर्डका अध्यक्ष भुवन केसी र कल्याणकारी कोषकी संयोजक बशुन्धरा भुषालले रकम हस्तान्तरण गरे ।
चलचित्र विकास बोर्डको सदस्यमा निर्देशक केएल पीडित र सञ्चारकर्मी तथा निर्माता रवि अधिकारी नियुक्त भएका छन् । बुधबार बसेको मन्त्रिपरिषदको बैठकले उनीहरुलाई २ वर्षका लागि बोर्ड सदस्यमा नियुक्त गर्ने निर्णय गरेको हो । दुवैले तालुकवाला निकाय सूचना मन्त्रालयबाट नियुक्तिको पत्र बुझिसकेका छन् । पीडित दाङ निवासी हुन् भने अधिकारीको स्थायी घर चितवन हो ।
महोत्सवमा फिल्मका चर्चित कलाकारहरु पुग्दा दर्शकको भीड थामिनसक्नु हुन्छ । उनीहरुको एक झलक हेर्नकै लागि घन्टौं कुर्छन् । तर, त्यही भीड त्यही कलाकारको फिल्म प्रदर्शन हुँदा किन हलमा देखिँदैन ? यो अहिलेको सबैभन्दा सोचनीय विषय हो । यदि महोत्सवमा कलाकारका लागि देखिने दर्शकको भीड हलमा पनि देखिन्थ्यो भने सम्भवतः वर्षमा फ्लप फिल्म खोज्न नै गाह्रो पर्थ्यो ।
यही शुक्रबारबाट प्रदर्शनमा आएको अभिनेत्री रानी मुखर्जी अभिनीत फिल्म ‘मिसेज चटर्जी भर्सेस नर्वे’ र चर्चित कमेडियन कपिल शर्मा स्टारर फिल्म ‘ज्विगाटो’ दुवै घरेलू बक्सअफिसमा दुई रेक्टरको भूकम्प जस्ता भएका छन्, आएको र गएको पत्तो नहुने । दुवै फिल्मले लगानीको एक तिहाइ पनि नउठाउने देखिन्छ । यी दुई फिल्मलाई भारतीय मिडियाले ‘फ्लप’को ट्याग दिइसकेका छन् ।
एउटा विश्वासिलो ब्रान्ड बनिसकेको नाम हो, ‘नाईं नभन्नू ल’ । यसका श्रृंखलामा को कलाकार छन् भन्ने कुराले त्यत्ति महत्त्व राख्दैन । किनकि, यो नाम आफैंमा फिल्म चलाउनका लागि काफी छ । यसैले त पाँचवटा श्रृंखलाले घरेलू बक्सअफिसमा उल्लेख्य कमाई गरे । दर्शक रुवाउने सिरिजको रुपमा चिनिएको यो फिल्मको छैटौं श्रृंखला आगामी बैशाख १ गते (नयाँ वर्ष)देखि प्रदर्शन हुँदैछ ।
