Nepal's No.1 Filmy Web Magazine
हिमाली जिल्लामा प्रचलित बहुपति प्रथामाथि निर्माण भएको फिल्म ‘टुल्की’को प्रदर्शन मिति घोषणा गरिएको छ । अंग्रेजी नयाँ वर्ष २०२३ र राष्ट्रिय टापी दिवसको अवसर पारेर फिल्मको नयाँ पोस्टर सार्वजनिक गर्दै आगामी चैत ३ गतेलाई प्रदर्शन मिति तोकिएको हो । अहिलेसम्म यो मिति अरु फिल्मले रोजेका छैनन् । पोस्टरमा कलाकारद्वय शिशिर वाङ्देल र स्वस्तिमा कार्की प्रस्तुत छन् ।
अभिनेता नाजिर हुसेनले आफ्नो नामका कारण विभिन्न प्रश्न र तुच्छ गालीको सामना गर्दै आइरहेका छन् । उनलाई नामका कारण प्रायः सोधिने नेपाली कि भारतीय, हिन्दू कि मुसलमान भन्ने प्रश्नले निकै बुझाउँछन् । बारास्थित सिमरामा जन्मे-हुर्केका उनी मुश्लिम समुदायका हुन् । तर, उनी हिन्दू परम्परालाई पनि उतिक्कै सम्मान गर्छन् । उनी ईद पनि मनाउँछन् र भाईटीका पनि लगाउँछन् ।
‘कबड्डी’ फेम्ड निर्देशक रामबाबु गुरुङ निर्देशित फिल्म ‘फूलबारी’को पहिलो गीत सार्वजनिक भएको छ । ‘माया रैछ र भर रैछ नि’ बोलको गीतले पारिवारिक प्रेम बोल्छ । फिल्मभित्रका चल-अचल दृश्य समावेश गीतमा कालीप्रसाद बाँस्कोटाको शब्द, संगीत र स्वर छ भने सदिक्क्षा कट्टेलले कालीलाई गायनमा साथ दिएकी छन् । गीतको अडियो पक्ष सशक्त र शब्दहरु मन बहकाउने छन् ।
आगामी फागुन १९ गते दुई ठूला नेपाली फिल्मबीच महासंग्राम हुँदैछ । यो मितिमा दीपकराज गिरी र दीपाश्री निरौलाको समुहले निर्माण गरेको फिल्म ‘छक्का पञ्जा ४’ र अनमोल केसी अभिनीत फिल्म ‘छड्के २’ आउने निश्चित भइसकेका छन् । दुवै फिल्म एकअर्काका लागि ठूला चुनौती हुन् । यी दुई फिल्म एकसाथ प्रदर्शनमा आउँदा इनिसियल व्यापारमा दुवैलाई ठूलो घाटा हुनेछ ।
नाम चलेका कलाकारहरुको कमै रुचिमा पर्छ, हरर जनरा । नेपालमा यो जनराका फिल्म व्यवसायिक रुपमा सफल हुन नसकेका कारण पनि कलाकारहरु करिअरमाथि चुनौती मोल्न चाहँदैनन् । बरु, बजारले रुचाएकै फिल्मको पछि दौडिन्छन् । एउटै खालको फिल्म र चरित्रबाट बाहिर निस्कन चाहने कलाकारले भने हरर जनरा पनि रोज्ने गरेका छन् । प्रियंका कार्की यसको उदाहरण हुन् ।
आधुनिक युगमा प्रेम र ब्रेकअप, विवाह र डिभोर्स सामान्य बनिसकेको छ । झन् कलाकारको यस्ता किस्सा त वर्षमा फिल्मभन्दा बढी रिलिज हुन्छन् । कुनै कलाकारले प्रेम सम्बन्ध सार्वजनिक गरे भने टिकाउ मितिको जोडघटाउ नै सुरु हुन थाल्छ । हुन पनि प्रेम सम्बन्धलाई विवाहमा परिणत गरेका ज्यादै कम कलाकारहरु छन् । प्रायःको केही वर्षमा नै प्रेमको रंग फिक्का हुन थाल्छ ।
