Nepal's No.1 Filmy Web Magazine
नेपालको हिमाली क्षेत्रहरुमा छायांकन भएको बलिउडको मल्टीस्टारर फिल्म ‘उचाइँ’को ट्रेलर सार्वजनिक भएको छ । मंगलवार निर्माण कम्पनी राजश्रीको यूट्युब च्यानलबाट सार्वजनिक भएको २ मिनेट ५१ सेकेन्ड लम्बाईको ट्रेलरले मित्रताको कथा बोल्छ । अमिताभ बच्चन, डेनी डेन्जोङ्पा, अनुपम खेर र बोमन इरानीको मित्रताको वरिपरि फिल्म घुमेको ट्रेलरबाट प्रस्ट्याइएको छ ।
भाइटीकाको भोलीपल्ट अर्थात् कात्तिक ११ गतेबाट प्रदर्शनमा आउन लागेको मह जोडी मदनकृष्ण श्रेष्ठ र हरिवंश आचार्य अभिनीत फिल्म ‘महापुरूष’ले मोफसल केन्द्रित प्रचार अभियान सकाएको छ । असोज २५ मा पूर्वको विर्तामोडबाट सुरु भएको मोफसल यात्रा असोज ३० गते पोखरामा सांगीतिक कार्यक्रम गर्दै सकिएको हो । अब फिल्मको टिम काठमाडौं केन्द्रित प्रचारमा जुटेको छ ।
अभिनेता सलोन बस्नेतले नेपाली फिल्ममा लगभग आफ्नो उमेर बराबरकै समय बेथित गरिसकेका छन् । बाल कलाकारको रुपमा करिअर सुरु गरेका उनी अहिले पनि अभिनयमा उतिक्कै सक्रिय छन् । अब भने उनी घरजम गर्न कस्सिएका छन् । एयर होस्टेज तथा मोडल करिश्मा केसीसँग झन्डै ३ वर्ष लामो प्रेम सम्बन्धलाई उनी मंसिर १२ गते विवाह बन्धनमा परिणत गर्ने तयारीमा छन् ।
सुपरस्टार निखिल उप्रेती र सञ्चिता लुईंटेलले हिँडेको बाटोमा उनीहरुका छोराले पनि पाइला चाल्ने भएका छन् । उनीहरुका छोरा अथर्व उप्रेतीले फिल्ममा डेब्यू गर्न लागेका हुन् । यही बिहीवारबाट छायांकन सुरु हुन लागेको फिल्म ‘नाईं नभन्नू ल ६’मा उनले बाल कलाकारको रुपमा अभिनय गर्दैछन् । फिल्ममा उनी नव-अभिनेता आर्शिवाद क्षेत्रीको बाल्यकालको भूमिकामा देखिनेछन् ।
कात्तिक १८ गतेबाट प्रदर्शनमा आउन लागेको त्रिकोणात्मक प्रेमकथामा आधारित फिल्म ‘मिलन’को ट्रेलर सार्वजनिक भएको छ । सोमवार काठमाडौंमा आयोजित एक कार्यक्रमका बीच सार्वजनिक गरिएको ३ मिनेट १ सेकेन्ड लम्बाईको ट्रेलरमा फिल्मका तीन प्रमुख पात्रहरु कुशल शाह ठकुरी, सलोन बस्नेत र शिल्पा थापाको प्रेममा आउने विभिन्न उतार-चढावलाई प्रस्तुत गरिएको छ ।
तिहारको अवसर पारेर कात्तिक ४ गतेबाट प्रदर्शनमा आउन लागेको मल्टीस्टारर फिल्म ‘के घर के डेरा’को टाइटल ट्रयाक रिलिज भएको छ । सोमवार रिलिज भएको ओएसटी गीतमा काठमाडौंमा डेरा लिएर बस्नेले भोग्ने अनेक समस्यालाई व्यक्त गरिएको छ । त्यस्तै, काठमाडौंमा घर हुनेहरुको समस्यालाई पनि गीतले सम्बोधन गरेको छ । गीतका शब्दहरु रमाइलासँगै यथार्थपरक छन् ।
