Nepal's No.1 Filmy Web Magazine
एक घटनाका कारण ठ्याक्कै एक वर्ष जेल जीवन विताएर फर्किएका चर्चित अभिनेता तथा मोडल पल शाहलाई यतिबेला म्यूजिक भिडियोमा भ्याइनभ्याइ छ । १५/२० दिनको अवधिमा उनले आधा दर्जन बढी म्यूजिक भिडियोमा काम गरिसकेका छन् । जेलबाट छुटेपछि पलको पहिलो म्यूजिक भिडियो उनी आफैं निर्देशित ‘तिमीलाई हेर्ने बानी पर्यो’को फिमेल भर्सन चाँडै सार्वजनिक हुँदैछ ।
करिब ७/८ वर्षदेखि अभिनयबाट टाढा रहेकी अभिनेत्री गरिमा पन्त फेरि आमा बन्ने भएकी छन् । २०७८ सालमा पहिलो सन्तानको रुपमा छोरीलाई जन्म दिएकी उनले नयाँ वर्षको अवसर पारेर आफू फेरि आमा बन्न लागेको खुसी साटेकी हुन् । उनले श्रीमान र छोरीसँगको तस्बिरहरु सेअर गर्दै इन्स्टाग्राममा लेखेकी थिइन्, ‘नयाँ वर्षको उमङ्गसँगै नयाँ खुशीको आगमनले हर्षित बनेका छौं ।’
बैशाख १ गतेलाई प्रदर्शन मिति घोषणा गर्दै फिल्म ‘नाइँ नभन्नू ल ६’को तीनवटा गीत तथा ट्रेलर/टिजर सार्वजनिक गरिएको थियो । तर, अन्तिम घडीमा फिल्मले मैदान छाड्यो । र, बैशाख १५ गतेलाई नयाँ प्रदर्शन मिति घोषणा गरियो । अब फेरि निर्माण टिमलाई प्रचार तीव्र पार्नुपर्ने चुनौती थपिएको छ । यसबीच, बिहीबार फिल्मको ‘कबाट कछुवा’ बोलको नयाँ गीत सार्वजनिक गरिएको छ ।
नेपाली फिल्म क्षेत्रमा केही कलाकारबीच हार्दिक सम्बन्ध छैन । यद्यपि, मिडियासामु घनिष्ट मित्रता देखाउँछन् । वास्तविकतामा भने पानी बाराबारकै अवस्था हुन्छ । केही वर्षयता दुई शर्मा अभिनेत्री पूजा र आँचलबीच अघोषित शितयुद्ध छ । मौका मात्र पाउनुपर्छ, एकअर्काप्रति घोचपेच र कटाक्ष गर्न दुवै पछाडि पर्दैनन् । मानौं, उनीहरु नेपाली फिल्मका पुष्पकमल दाहाल र केपी ओली हुन् ।
अभिनेता गौरव पहारी र अभिनेत्री नम्रता सापकोटाले पहिलो पटक एकसाथ काम गरेको फिल्म हो, ‘नम्बरी सुन’ । आगामी भदौ १ गतेबाट प्रदर्शनमा आउन लागेको फिल्मको लमजुङस्थित भुजुङ्ग गाउँमा ३१ दिनसम्म छायांकन भएको थियो । फिल्ममा समावेश ‘तिमी वर म पिपल’ बोलको गीत भने यतिबेला दोलखा जिल्लाको चर्चित पर्यटकीय स्थल कालिञ्चोक क्षेत्रमा छायांकन भैरहेको छ ।
