Nepal's No.1 Filmy Web Magazine
निर्माता तथा निर्देशक शोभित बस्नेतको निर्माणमा फिल्म ‘जय हो’ बन्ने भएको छ । तिहारको अवसर पारेर सोमवार लक्ष्मी पूजाको दिन निर्माण टिमले फिल्म निर्माणको घोषणा गरेको हो । आगामी माघबाट छायांकन थालिने फिल्ममा शोभित प्रस्तुतकर्तामा रहेका छन् भने मुख्य भूमिकामा अभिनेता सलोन बस्नेत अनुबन्ध भएका छन् । फिल्ममा अर्का एक अभिनेता र अभिनेत्री पनि रहनेछन् ।
फिल्म प्रदर्शनभन्दा चार/पाँच अगाडि प्रिमियर आयोजना गर्नु आफैंमा ठूलो आँट हो । यो आँट गर्न सक्ने मेकर नेपालमा औंलामा गन्न सकिने मात्र छन् । फिल्मप्रति शतप्रतिशत विश्वास भएपछि मात्र मेकरले प्रदर्शनभन्दा केही दिन अगावै प्रिमियर राख्ने आँट गर्छन् । किनकि, प्रिमियरमा मिलेको प्रतिक्रियाले फिल्म चम्किन र डुब्न पनि सक्छ । त्यसैले प्रिमियरले फिल्मको भविष्य बोल्छ ।
निर्माता रमेश एमके पौडेल निर्देशित पहिलो फिल्म ‘तिम्रो मेरो साथ’को एक पोस्टर सार्वजनिक गरिएको छ । तिहारको अवसर पारेर आइतवार सार्वजनिक गरिएको पोस्टरमा फिल्मका मुख्य अभिनेता पुष्प खड्का र अभिनेत्री साम्राज्ञी आरएल शाह स्विमिङ पुलमा हट अवतारमा प्रस्तुत छन् । स्विमिङ सुट लगाएकी साम्राज्ञीलाई सर्टलेस पुष्पले आफ्नो अंगालोमा कसेको देख्न सकिन्छ ।
फिल्म होस् वा टेलिसिरियल, कलाकार हरिवंश आचार्यले थरीथरीका चरित्र बाँचेका छन् । उनले बाँचेका अधिकांश चरित्र नेपाली समाजभित्रकै हुन् । यसैले पनि उनले निर्वाह गरेका हरेक चरित्र दर्शकको मनमा बसेका छन् । उनले फिल्म ‘बलिदान’मा निर्वाह गरेको चरित्र उनको करिअरकै सबैभन्दा सशक्त मानिन्छ । सम्भवतः त्यसपछि उनी फिल्ममा सशक्त भूमिकामा देखिएका छैनन् ।
कमर्शियल र आर्ट दुवै खालका फिल्ममा सशक्त उपस्थिति जनाएकी भर्सटायल अभिनेत्री सुरक्षा पन्त अभिनीत नयाँ फिल्म ‘के घर के डेरा’ दीपावलीको अवसर पारेर शुक्रवारबाट प्रदर्शनरत छ । काठमाडौंमा घर हुने र डेरामा बस्नेहरुको समस्यामाथि आधारित भएर निर्माण भएको यो फिल्ममा सुरक्षाले डेरामा बसेर काठमाडौंमा घर किन्ने सपना बोकेको पात्रको रुपमा अभिनय गरेकी छन् ।
कलाकारितामा भविष्य बनाउन चाहने भारतीयहरुका लागि स्वप्न नगरी हो मुम्बई । संसारको दोस्रो ठूलो फिल्म उद्योग बलिउडमा जम्ने सपना बोकेर कयैन् नेपाली कलाकारहरुले पनि मुम्बईमा संघर्ष गरेका छन् । तर, एकाधलाई मात्र मुम्बईले सपना साकार हुने मौका दियो । यही मुम्बईमा एक नेपाली अभिनेत्रीले पनि वर्षौंदेखि संघर्ष गरिरहेकी छन् र सफलताको सिढी चढ्दै गएकी छन् ।
