Nepal's No.1 Filmy Web Magazine
दिपावलीको अघिल्लो दिन बलिउडका दुई ठूला फिल्मको बक्सअफिसमा भिडन्त भएको थियो । अक्षय कुमार स्टारर ‘राम सेतु’ र अजय देवगनको ‘थ्यांक गड’ले २५ अक्टोबरबाट प्रदर्शन थालनी गरेका थिए । ठूला स्टार भएका यी दुई फिल्मले दिपावलीमा राम्रो कमाई गर्ने आँकलन गरिएको थियो । तर, एक हप्ताको व्यापारिक अंक हेर्दा दुवै फिल्म अपेक्षाकृत रुपमा कमाउन चुकेका छन् ।
पछिल्लो समय विदेशी फिल्म छायांकनका लागि नेपाल रोजाईमा पर्दै गएको छ । एउटा स्टूडियोभित्र कल्पना गरिने हिमालदेखि वर्षौं पुराना धार्मिक स्थलसम्मका दृश्य नेपालमा वास्तविक रुपमै कैद गर्न पाइने हुँदा विदेशी फिल्मका मेकरहरु लोभिने गरेका छन् । त्यसैले नेपालमा विदेशी फिल्मको छायांकन गर्ने क्रम बढ्दो छ र यसले नेपालको पर्यटन प्रवद्र्धनमा धेरै हदसम्म सघाएको छ ।
अभिनेता सलोन बस्नेत स्टारर फिल्म ‘मिलन’को प्रदर्शन मिति धकेलिएको छ । कात्तिक १८ गतेलाई प्रदर्शन मिति घोषणा गर्दै गीत र ट्रेलर समेत सार्वजनिक गरिसकिएको यो फिल्म अब मंसिर ९ गतेबाट प्रदर्शनमा आउने भएको छ । कात्तिक १८ मा अर्को फिल्म ‘लाखे’ पनि प्रदर्शन हुन लागेको र केही प्राविधिक कारणले प्रदर्शन मिति सारिएको निर्देशक टेक पौरखी राईले जानकारी दिए ।
पाकिस्तानी फिल्म ‘द लेजेन्ड अफ मौला जट्ट’ले पाकिस्तान फिल्म इन्डस्ट्रीको इतिहासमा ठूलो रेकर्ड बनाएको छ । फवाद खान स्टारर यो फिल्मले पाकिस्तानको इतिहासमा सर्वाधिक कमाई गर्ने पहिलो फिल्मको रेकर्ड बनाएको हो । यो फिल्मले विश्वभरबाट सय करोडको आँकडा नघाएको छ । यसअघि कुनै पनि पाकिस्तानी फिल्मले विश्वभरबाट सय करोड कमाउन सकेका थिएनन् ।
फिल्म पृष्ठभूमिभन्दा बाहेकको व्यक्तिलाई नेपाली फिल्ममा प्रवेश गर्न त्यत्ति सहज छैन र हुन्न । त्यसका लागि मिहिनेत र धैर्यताको आवश्यकता पर्छ । फिल्ममा डेब्यूको अवसर पाएपछि आफूलाई टिकाइराख्न झनै सहज छैन । किनकि, करिअरलाई अघि बढाउन हिट फिल्मको खाँचो पर्छ र अभिनयमा अब्बलता पस्कन सक्नु पर्छ । यी दुवै कुराको तारतम्य मिलेन भने करिअर उठ्न सक्दैन ।
नेपाली फिल्मलाई कमाईको हिसाबमा चाडपर्वको विदा फलिफाप सिद्ध हुने गरेका छन् । यस वर्ष दशैं र तिहारमा प्रदर्शन भएका फिल्मको सफलताले पनि यो प्रमाणित गर्छ । दशैंका दुई फिल्म ‘प्रेमगीत ३’ र ‘दुई नम्बरी’ व्यापारिक रुपमा सफल हुँदा तिहार छेकोमा रिलिज भएको ‘के घर के डेरा’ र छठको विदा छोपेर प्रदर्शनमा आएको फिल्म ‘महापुरुष’ बक्सअफिसमा चम्किएको छ ।
