Nepal's No.1 Filmy Web Magazine
आज नेपालीहरूको दोस्रो ठूलो चाड तिहारको अन्तिम दिन भाइटीका । यो पर्वका दिन दिदीले भाइलाई र बहिनीले दाजुलाई अनि भाइले दिदीलाई र दाजुले बहिनीलाई विशेष सम्मानका साथ विधिपूर्वक पूजाआजा गर्ने गर्छन् । यो पर्व परापूर्वकालमा बहिनी यमुना र दाजु यमराजसँग जोडिएको पाइन्छ । बहिनी यमुनाले दाजु यमराजलाई विशेष सम्मान गर्दै भाइपूजा गरेको धार्मिक कथन छ ।
हरेक वर्ष चाडपर्वमा कयैन् गीतहरु सार्वजनिक हुने गरेका छन् । गीतसंगीतले चाडपर्वको महत्त्व मात्र झल्काउँदैन, रौनकता पनि थप्छ । दशैं झैं तिहारमा पनि गीतहरुको बाढी आउने गरेको छ । र, यस वर्ष पनि आए । तर, वर्षौंदेखि केही गीतहरुले तिहार धानेर बसेका छन् । त्यसमध्ये केही गीत नेपाली फिल्मका छन् । यहाँ हामीले तिहारका चर्चित फिल्मी गीतहरु प्रस्तुत गरेका छौं ।
तिहारको अवसर पारेर शुक्रवारबाट प्रदर्शनमा आएको फिल्म ‘के घर के डेरा’ले हलमा दर्शकको चाप बढाउँदै लगेको छ । पहिलो दिन औसत अकुपेन्सी कायम गरेको फिल्म शनिवार देशभर हाउसफुल भयो । आइतवार भने फिल्मको व्यापार केही खुम्चियो । तर, सोमवारबाट तिहार-छठ विदा सुरु भएपछि फिल्मले व्यापारमा उछाल ल्याएको छ । यसको प्रमाण मंगलवारको व्यापार हो ।
रामबाबु गुरुङ निर्देशित फिल्म ‘फूलबारी’को निर्माण पक्षले कलाकारहरुको क्यारेक्टर झल्कने तस्विरहरु सार्वजनिक गरेको छ । तिहारको अवसर पारेर मंगलवार सार्वजनिक गरिएको तस्विरमा अभिनेता विपिन कार्कीको लुक्सले ध्यान खिच्छ । उनी पाको उमेरको पुरुषको रुपमा चित्रित छन् । गालामा गलबन्दी, शिरमा टोपी र आँखामा चस्मा लगाएका उनका दाह्री-जुँगा सेताम्मे छन् ।
अभिनेता भुवन केसीको व्यक्तिगत र व्यवसायिक जीवन खुल्ला किताब झैं छ । उनको व्यक्तिगत जीवनमा के भए र व्यवसायिक जीवन कस्तो रह्यो, सम्भवतः अनविज्ञ कोही छैनन् । कलाकारको रुपमा अत्यन्त सफल मानिने उनको व्यक्तिगत जीवन भने सुखद् रहेन । उनको दुई विवाह टिक्न सकेन । उनको जेठी श्रीमतीबाट दुई सन्तान र कान्छी श्रीमतीबाट एक सन्तान (अनमोल) छन् ।
फिल्म ‘मारुनी’पछि अभिनेता पुष्प खड्का र अभिनेत्री साम्राज्ञी आरएल शाहबीच दोस्रो सहकार्य भएको फिल्म ‘तिम्रो मेरो साथ’को पहिलो गीत सार्वजनिक भएको छ । लक्ष्मी पूजाको अवसर पारेर सोमवार बोधी एचडी यूट्युब च्यानलबाट सार्वजनिक भएको ‘रुमाल बाटेर टाई बनाम’ बोलको गीतमा पुष्प र साम्राज्ञीले आकर्षक नृत्य गरेका छन् । उनीहरुको केमेस्ट्री सुहाएको देखिन्छ ।
