Nepal's No.1 Filmy Web Magazine
चलचित्र विकास बोर्डको सहयोगमा चलचित्र निर्माता संघसहित फिल्म सम्बद्ध विभिन्न संघ-संस्थाबीच भएको दशैं, तिहार, तिज र नयाँ वर्षका निश्चित विदाबाहेक अन्य मितिमा शुक्रबारबाट मात्र फिल्म प्रदर्शन गर्नुपर्ने नियम र पद्धतीको पटक-पटक धज्जी उड्दै आएको छ । यो नियमलाई कुल्चिएर कहिले विदेशी फिल्म त कहिले नेपाली फिल्म नै जुनसुकै मितिमा प्रदर्शन हुँदै आएका छन् ।
२०७५ सालमा ७ वर्ष लामो प्रेम सम्बन्धलाई विवाहमा परिणत गरेका अभिनेत्री वर्षा राउत र अभिनेता संजोग कोइरालालाई ‘आदर्श जोडी’ भन्ने गरिन्छ । उनीहरुले एकअर्कालाई गर्ने प्रेम र सम्मान धेरैका लागि प्रेरणा बनेको छ । तर, केही समययता यो जोडीको सम्बन्ध राम्रो नभएको भन्ने चर्चाले फिल्म क्षेत्र तरंगित बनिरहेको छ । जसले उनीहरुका प्रशंसकहरुलाई समेत बेचैन बनाएको छ ।
अभिनेत्री आना शर्माले अभिनय गरेको फिल्मको सूची लामो छैन । करिअरको ८ वर्षमा उनले जम्मा ३ वटा फिल्ममा मात्र अभिनय गरेकी छन् । उनको डेब्यू फिल्म ‘जेरी’ बक्सअफिसमा सफल भएको थियो । त्यसपछि उनले अभिनय गरेका दुई फिल्म ‘ग्यांगस्टर ब्लूज’ र ‘द म्यान फ्रम काठमाण्डू’ सफल हुन सकेनन् । र, विगत चार वर्षदेखि उनका कुनै पनि फिल्म प्रदर्शनमा आएका छैनन् ।
गण्डकी प्रदेशसभा सदस्य, पूर्व मन्त्री तथा निर्माता राजिव गुरुङ (दीपक मनाङ्गे)ले पहिलो पटक फिल्ममा अभिनय गर्ने भएका छन् । अभिनेता सविन श्रेष्ठसँग मिलेर निर्माण गर्न लागेको फिल्म ‘बाघ चाल’मा मनाङ्गेले मुख्य भूमिका निभाउन लागेका हुन् । फिल्ममा उनको सकारात्मक भूमिका रहने सविनले फिल्मीखबरलाई बताए । उनी भने नकारात्मक अर्थात् भिलेनको भूमिकामा देखिनेछन् ।
बलात्कार पीडित युवतीको कथामा आधारित भएर निर्माण भएको फिल्म ‘हाउगुजी’को फर्स्टलुक पोस्टर सार्वजनिक गरिएको छ । पोस्टरमा फिल्मका प्रमुख कलाकारहरु क्यारेक्टर लुक्समा प्रस्तुत छन् । विशेषगरी बलात्कार पीडित एक युवतीको मनोदशालाई पोस्टरमा देखाउन खोजिएको छ । दीपक परियारको निर्देशनमा तयार भएको फिल्मको प्रदर्शन मिति भने घोषणा गरिएको छैन ।
डान्सको विषयमा फिल्म बनाउन लगानी, मिहिनेत र समय पर्याप्त चाहिन्छ । यसैले पनि हुनसक्छ, ७० वर्ष लामो नेपाली फिल्मको इतिहासमा डान्स ड्रामा प्राथमिकतामा परेन । बजारमुखी फिल्म मात्र बनिरहे र बनिरहेका छन् । परम्परागत कथावाचनको संरचना भत्काउने गरी बल्ल डान्स ड्रामामा फिल्म बनाउने कसैले साहसिक आँट गरेको छ । ती हुन्, निर्देशक रेनाशा वान्तवा राई राणा ।
