Nepal's No.1 Filmy Web Magazine
बलिउड सुपरस्टार आमिर खान पुनः नेपाल आएका छन् । उनी आइतबार बिहान भिस्तारा एयरलाइन्सको विमानबाट काठमाडौं ओर्लिएका हुन् । यसअघि २०७१ सालमा एक एनजीओको कार्यक्रमका लागि काठमाडौं आएका उनी यसपटक बुढानीलकण्ठस्थित विपस्यना ध्यान केन्द्रको एक विशेष कार्यक्रममा सहभागी हुन नेपाल आएको जानकारी प्राप्त छ । उनी १० दिन नेपालमै बस्नेछन् ।
मिस नेपालमा सहभागी भएपछि नीति शाहलाई फिल्म प्रस्तावको ओइरो लागेको थियो । तर, उनले लामो समय फिल्ममा काम गर्ने मन देखाइनन् । अब भने फिल्ममा नै करिअर बनाउने सपना बुनेकी छन् । यसैले लगातार फिल्म सम्झौता गरिरहेकी छन् । उनले लकडाउनभन्दा अघि फिल्म ‘हुतुतु’ र त्यसपछि फिल्म ‘एक्स ९’ साइन गरेकी थिइन् । तर, दुवै फिल्म निर्माण हुन सकेका छैनन् ।
आगामी असार ८ गतेबाट प्रदर्शनमा आउन लागेको फिल्म ‘अन्तिम संस्कार’को टिजर सार्वजनिक गरिएको छ । १ मिनेट ९ सेकेन्ड लम्बाईको टिजरमा सस्पेन्स, थ्रीलर र इमोसनलाई देखाउन खोजिएको छ । एक बेपत्ता पात्रको खोजीमा सीआईबीले गरिरहेको अनुसन्धानमा फिल्मको कथा केन्द्रित रहेको टिजरबाट बुझ्न सकिन्छ । फिल्ममा अभिनेत्री दीया पुन डीएसपीको भूमिकामा छिन् ।
शिक्षकलाई समाजको आदर्श व्यक्ति मानिन्छ । उनीहरुलाई हरेक कुराको ज्ञान हुनुपर्छ भन्ने मान्यता छ । कलाकार महेश त्रिपाठी पनि शिक्षक हुन्, अभिनयका । लामो समयदेखि उनले फिल्म कलेजमा अभिनयको विभिन्न आयामबारे पढाउँदै/सिकाउँदै आएका छन् । अभिनयकै शिक्षक भएकाले उनलाई अभिनयमा कमजोर हुन छुट छैन भनिन्छ । तर, यो बुझाइप्रति सहमत छैनन्, महेश ।
अभिनेत्री तथा मोडल सुमी मोक्तान विवाह बन्धनमा बाँधिएकी छन् । शुक्रबार काठमाडौंको पाँचतारे होटल सोल्टीमा उनले प्रेमी विवेक रावलसँग विवाह गरेकी हुन् । उनीहरुको अन्तरजातीय विवाह भएको हो । विवेक हिन्दू धर्मालम्बी हुन् भने सुमी बुद्धिस्ट हुन् । विवाह पनि उनीहरुले दुवै धर्मको परम्पराअनुसार गरेका हुन् । बिहेअघि यो जोडी करिब ४ वर्षदेखि प्रेम सम्बन्धमा रहेको थियो ।
फिल्मका दर्शकका लागि प्रमिला खनाल नयाँ नाम हुनसक्छ । उनले केही फिल्महरुमा अभिनय गरेको भएपनि कमैले ‘नोटिस’ गरे । तर, नाटकमा उनले अभिनयको जादू छरिसकेकी छन् । फिल्ममा भने उनले अभिनय देखाउने खालको सशक्त भूमिका पाएकी थिइनन् । आगामी जेठ १२ गतेबाट प्रदर्शनमा आउन लागेको फिल्म ‘हुक्काः एन एब्जर्ड ड्रिम’मा भने उनी प्रमुख भूमिकामा छिन् ।
