Nepal's No.1 Filmy Web Magazine
यही माघ २० गतेबाट प्रदर्शनमा आउन लागेको ‘ह्यारी कि प्यारी’का कलाकारहरु जितु नेपाल, साम्राज्ञी आरएल शाह विजय बराल, निर्देशक डा. कपिल रिजाललगायतले मोफसल दौडाहाको क्रममा बिहीबार धरान उपमहानगरपालिकाका मेयर हर्कराज साम्पाङ राईसँग भेट गरेर उनको वृक्षारोपण अभियानमा सघाउँदै करिब ५० हजार बराबरको सयवटा रुद्राक्षको बिरुवा प्रदान गरेका छन् ।
नेपाली फिल्ममा कसैको भाग्यले कोल्टे फेरेको छ भने त्यो विपिन कार्कीको हो । अभिनयमा अब्बल हुनु र एकपछि अर्को फिल्म सफल हुँदा उनी मेकरको रोजाईमा परेका छन् । यसै साता फिल्म ‘प्रसाद २’को छायांकन सकाएका उनले दुई दिनको अन्तरालमा दुई फिल्म सम्झौता गरेका छन् । यही बुधबार फिल्म ‘भगवत् गीता’ साइन गरेका कार्कीले शुक्रबार फिल्म ‘चलचित्र’ सम्झौता गरे ।
आगामी फागुन १९ मा दुई फिल्म ‘छक्का पञ्जा ४’ र ‘छड्के २’ बक्सअफिसमा आमनेसामने हुँदैछन् । यी दुई फिल्मको भीडन्तको चर्चाले सिंगो फिल्म क्षेत्रको ध्यान तानिएको छ । त्यसमाथि देशकै ठूलो मल्टीप्लेक्स चेन क्यूएफएक्सले अब एकै मितिमा दुई ठूला फिल्म रिलिज नगर्ने भन्दै फागुन १९ मा ‘छक्का पञ्जा ४’ मात्र प्रदर्शन गर्ने अडान लिएपछि विरोधको आवाज समेत सुनिन थाल्यो ।
साइन गरेर फिल्म छाड्ने मामलामा अभिनेता अनमोल केसीको नाम अगाडि आउँछ । ‘ब्याचलर बन्टी’, ‘हनी बनी’पछि उनले फेरि अर्को फिल्मबाट हात झिकेका छन् । लकडाउनको समयमा सम्झौता गरेको फिल्म ‘एक्स ९’बाट उनी बाहिरिएका हुन् । निर्धारित समयमा छायांकन सुरु नभएको र आफूले अरु फिल्मलाई समय दिनुपर्ने भएकाले फिल्म छाडेको उनले जानकारी दिएका छन् ।
कात्तिकमा प्रदर्शन भएको फिल्म ‘महापुरुष’पछि नेपाली फिल्म क्षेत्र कोमा गएको छ । बैशाखदेखि कात्तिकसम्मको अवधि सुखद् देखिए पनि मंसिर र पुषमा प्रदर्शनमा आएका कुनै पनि फिल्मले दर्शक तान्न सकेनन् । जसले फिल्म क्षेत्रमा चरम निराशा छाएको छ भने निर्माताहरु फिल्म रिलिज गर्न तर्सिएको अवस्था छ । नाम चलेका कलाकारका फिल्मलाई समेत दर्शकले पत्याएका छैनन् ।
अभिनेत्री तथा मिस नेपाल इन्टरनेसनल २०१२ र वर्ल्ड मिस युनिभर्सिटी नेपाल २०१७ की विजेता सुवेक्क्षा खड्काले प्रेमी आश्वासन जोशीसँग इन्गेजमेन्ट गरेकी छन् । बिहीबार काठमाडौंको एक होटलमा दुई पक्षको परिवारको उपस्थितिमा उनीहरुले एकअर्कासँग औंठी साटासाट गर्दै विवाहको वाचा गरेका हुन् । यो जोडीको इन्गेजमेन्ट कार्यक्रममा अभिनेत्री सृष्टि श्रेष्ठलगायत सहभागी थिए ।
