Nepal's No.1 Filmy Web Magazine
नेपालीहरुको उल्लेख्य रुपमा बासोबास रहेको हलिउड भूमि बेलायतमा हुन लागेको ‘नेपाली फिल्म फेस्टिभल २०२३’मा स्क्रिनिङ हुने नेपाली फिल्मको सूचि र उपस्थित हुने कलाकारको नाम सार्वजनिक भएको छ । ‘थर्ड आइ’को आयोजनामा ८ दिनसम्म चल्ने फेस्टिभलमा ‘जीवन काँडा कि फूल’, ‘प्रकाश’, ‘झिंगेदाउ’, ‘प्रेमगीत ३’ लगायतका फिल्महरु स्क्रिनिङका लागि छनोट भएका छन् ।
अभिनेत्री झरना थापाको निर्देशनमा बन्न लागेको फिल्म ‘भगवत् गीता’मा अभिनेता विपिन कार्की अनुबन्धित भएको छ । निर्देशक थापा र विपिनबीच बुधबार कागजी सम्झौता भएको हो । यसै साता फिल्म ‘प्रसाद २’को छायांकन सकेर काठमाडौं फर्किएपछि उनीसँग भेट गर्दै झरनाले फिल्म अफर गरेकी थिइन् । टिम र चरित्र मन परेपछि उनी काम गर्न राजी भएको जानकारी प्राप्त छ ।
नाबालिगलाई जबर्जस्ती करणी गरेको अभियोगमा जाहेरी परेपछि तनहुँ कारागारको चौघेरामा रहेका चर्चित अभिनेता पल शाहलाई मंगलबार जिल्ला अदालत तनहुँले बलात्कार अभियोगमा दाबी नपुगेको भन्दै सफाई दियो । अदालतको फैसलाबाट उनी खुसी छन् । तर, यसअघि नवलपुर जिल्ला अदालतले २ वर्ष ६ महिना जेल सजाय सुनाएकाले उनी उक्त सजाय काटेपछि मात्र रिहा हुनेछन् ।
नाबालिग बलात्कार आरोप लागेका अभिनेता पल शाहलाई मंगलवार जिल्ला अदालत तनहुँले बलात्कार अभियोगमा दाबी नपुगेको भन्दै सफाई दिएपछि सरकारी वकिलको कार्यालय पुनरावेदन जाने भएको छ । मंगलबार जाहेरवालाको तर्फबाट बहस गरेका तनहुँका जिल्ला न्यायाधिवक्ता गोविन्दप्रसाद उपाध्यायले अदालतको फैसलाविरुद्ध उच्च अदालत पोखरामा पुनरावेदन गर्ने बताए ।
भारतका प्रख्यात गायक-गायिका दम्पती उदित नारायण झा र दीपा नारायण झाले चलचित्र विकास बोर्ड अन्तर्गतको चलचित्रकर्मी कल्याणकारी कोषमा ५ लाख १ सय एघार सहयोग गरेका छन् । एक कार्यक्रमको शिलशिलामा नेपाल आएको मौकामा गायिका झाले मंगलबार उक्त रकम नेपाली चलचित्रकर्मीलाई साक्षी राख्दै कोषकी संयोजक बसुन्धरा भुषाललाई हस्तान्तरण गरेकी हुन् ।
