Nepal's No.1 Filmy Web Magazine

सरकारी संस्थामा कार्यरत व्यक्तिले कुनै राजनीतिक दल वा उम्मेदवारको पक्ष वा विपक्षमा प्रचार-प्रसारमा संलग्न हुन वा प्रचार-प्रसार गर्न नहुने निर्वाचन आचारसंहिता विपरित नवलपरासी क्षेत्र नं. १ का प्रतिनिधिसभा सदस्यका उम्मेदवार विनोद चौधरीको प्रचार-प्रसारमा सहभागी भएको भन्दै निर्वाचन आयोगले चलचित्र विकास बोर्डका अध्यक्ष भुवन केसीसँग स्पष्टीकरण सोधेको छ ।

मंसिर २३ गतेबाट प्रदर्शन आउन लागेको कमल एक्चै मगर निर्देशित फिल्म ‘डेसान’को टिजर सार्वजनिक गरिएको छ । बिहीवार एक कार्यक्रमका बीच सार्वजनिक गरिएको टिजरमा पारिवारिक सम्बन्ध, अइच्छा र अविश्वासका कारण दाम्पत्य सम्बन्धमा आउने खटपटको विषयलाई प्रस्तुत गरिएको छ । अभिनेत्री नम्रता सापकोटाको भूमिकाले फिल्मप्रति दर्शकको कौतुहलता बढ्ने देखिन्छ ।

अभिनेता पुष्प खड्का र अभिनेत्री वर्षा सिवाकोटीले पहिलो पटक स्क्रिन साझेदारी गरेको लभस्टोरी फिल्म ‘मनसँग मन’को प्रदर्शन मिति घोषणा गरिएको छ । कोरोना महामारीका कारण पटक-पटक प्रदर्शन स्थगन भएको यो फिल्म अब आगामी माघ २० गतेबाट प्रदर्शनमा आउने भएको छ । यो मितिमा अन्य दुई फिल्म ‘हिँड्दा हिँड्दै’ र ‘ह्यारी कि प्यारी’ पनि प्रदर्शनमा आउने तयारीमा छन् ।

चलचित्र विकास बोर्डले यही कात्तिक १ गतेदेखि फिल्म प्रदर्शनको एक हप्ता अगावै सेन्सर सिफारिस लिनुपर्ने नियम लागू गरेपछि रातारात विदेशी फिल्म नेपाल ल्याएर सेन्सर गर्ने वितरकहरुलाई ठूलो धक्का पुगेको छ । अन्तिम समयमा सस्तोमा फिल्म पाइने लोभमा कति वितरकहरुले नियम-कानुनै मिच्ने गरेका थिए । बोर्डको उक्त कदमले धेरै वितरकहरुको चिल्लीबिल्ली बनाएको छ ।

नेपाली फिल्मको इतिहासमा सर्वाधिक ग्रस कलेक्सनको रेकर्ड बनाएको रामबाबु गुरुङ निर्देशित फिल्म ‘कबड्डी ४’को अब डिजिटल प्रिमियर हुने भएको छ । भोली शुक्रवारबाट नेपालको उदयमान ओटीटी प्लेटफर्म ‘सिनेमाघर एप’मा फिल्म डिजिटल प्रिमियर हुन लागेको हो । बिहीवार राजधानीमा आयोजित एक कार्यक्रमका बीच एप र फिल्मको टिमले यसबारेमा जानकारी गरायो । यो फिल्म सिनेमाघर एपमा विज्ञापनरहित हेर्न सःशुल्क र विज्ञापनसहित हेर्न निःशुल्क दुवै तरिकाले पाइनेछ ।

निर्देशक प्रदीप भट्टराईले नेपाली दर्शकलाई दिएको एउटा अब्बल फिल्म हो, ‘जात्रा’ । पहिलो निर्देशन भए पनि उनले दर्शकको नाडी छामेर फिल्म बनाएका थिए । फिल्म सुपरहिट पनि भयो । यसको सिक्वेल ‘जात्रै जात्रा’ले पनि सफलता प्राप्त गर्‍यो । यतिबेला भट्टराई निर्देशित नयाँ फिल्म ‘महापुरुष’ले बक्सअफिस पिटेको छ । प्रदर्शनको दिनदेखि फिल्मको आक्रामक कमाई जारी छ ।