Nepal's No.1 Filmy Web Magazine
अन्ततः ठूलो रस्साकस्सी र संघर्षपछि फिल्म ‘प्रसाद २’को छायांकन सुरु भएको छ । कहिले कलाकार र निर्देशक परिवर्तन हुने त कहिले छायांकन सेटमा पुगेर पनि विभिन्न विवाद उब्जिएपछि अस्तव्यस्त बनेको यो फिल्मको बिहीबार कास्कीको माछापुच्छ्रे गाउँपालिकामा क्यामेरा र स्क्रिप्ट पूजा गर्दै छायांकन थालिएको हो । करिब ४० दिनसम्म यही ठाउँमा फिल्मको छायांकन हुनेछ ।
तेक्वान्दो खेलाडी समेत रहेका राजकुमार राईले सन् १९९९ मा प्रदर्शन भएको फिल्म ‘द कमाण्डो’बाट अभिनयमा डेब्यू गरेका थिए । यसबेलाको यो हिट फिल्म हो । राजकुमारको एक्सन शैलीले दर्शकलाई लोभ्याएको थियो । तर, यसपछि उनले पेशागत (ब्रिटिस आर्मी) कारण अभिनयलाई निरन्तरता दिन सकेनन् । ब्रिटिस आर्मीबाट अवकाश भएपछि उनी २४ वर्षपछि अभिनयमा फर्किए ।
एक हप्ता लामो नेपाल भ्रमणमा आएका बलिउड सुपरस्टार विवेक ओबरोयले पवित्र तीर्थस्थल पशुपतिनाथको दर्शन गरेका छन् । बिहीवार विहान दुई सन्तान, श्रीमती र आमा बुबाको साथमा उनले पशुपतिनाथको दर्शन गरेका हुन् । त्यहाँ उनले करिब १ घन्टा विताएका थिए । पशुपतिनाथ मन्दिरमा पूजाआजापछि बाहिरिने क्रममा विवेकलाई नेपाली प्रशंसकले तस्बिरका लागि घेरेका थिए ।
बलिउड अभिनेता विवेक ओबरोय एक हप्ताका लागि नेपाल भ्रमणमा आएका छन् । बुधवार उनी परिवारसँग नेपाल आएका हुन् । साँझ ६ बजे काठमाडौंस्थित त्रिभुवन अन्तर्राष्ट्रिय विमानस्थलमा ओर्लिएका उनलाई व्यवसायी पुनम यादवले नेपाली ढाकाटोपी लगाएर स्वागत गरेकी थिइन् । विवेक यादवकै आग्रह र पहलमा नेपाल आएका हुन् । उनीहरुबीच पारिवारिक सम्बन्ध समेत छ ।
