Nepal's No.1 Filmy Web Magazine
रिलमा फिल्म खिचेर हलमा देखाइने समयमा नेपाली फिल्मका लागि प्रदर्शनको ५१ र सय दिन अति सामान्य मानिन्थ्यो । वर्षमा धेरै फिल्मले सफलताको यो मानक पार गर्थे । तर, डिजिटल युगको प्रवेशसँगै नेपाली फिल्मको आयु पनि छोटिँदै गयो । अचेल नेपाली फिल्मलाई हलमा एक हप्ता टिकिराख्न पनि धौ-धौ पर्छ । प्रदर्शनको ५१ र सय दिन त मरुभूमिमा विरुवा पलाउनु जस्तै भएको छ ।
अभिनेता पुष्प खड्का र अभिनेत्री साम्राज्ञी आरएल शाह अहिलेका हटकेक हुन् । युवा वर्गमा दुवैको फ्यान फलोइङ गजब छ भने फिल्ममा माग पनि लोभलाग्दो छ । दुवैलाई आफ्नो काँधमा फिल्म बोक्ने सक्ने स्टारडम भएका कलाकारको रुपमा चित्रित गरिन्छ । अभिनयमा पनि सशक्त मानिने उनीहरुलाई एउटै फिल्ममा लिने धेरै निर्माताको चाहना छ । तर, केही मात्र सफल भएका छन् ।
एक समय लभस्टोरी फिल्ममा निर्विकल्प झैं मानिन्थे आर्यन सिग्देल । आजका दिनमा पनि उनी जति लभस्टोरी फिल्ममा जम्न सक्ने अभिनेताको जन्म नभएको विश्लेषण हुने गर्छ । तर, केही वर्षयता उनको करिअर असन्तुलित बनेको छ । आशा गरेका फिल्महरु नै असफल हुँदा उनको करिअर धरमराएको छ । यतिबेला उनलाई नेपाली फिल्ममा पुर्नजन्म दिने एउटा हिट फिल्मको खाँचो छ ।
नेपाली मेकरहरुले बेला बखतमा नयाँपनको खोजी गर्न प्रतिभा भएका व्यक्तिहरुका लागि विभिन्न अवसर प्रदान गरिरहेका हुन्छन् । दशैंमा रिलिज भएको फिल्म ‘दुई नम्बरी’को टिमले टाइटल गीत तयार गर्न ५० हजार राशीको प्रतियोगिता नै घोषणा गरेको थियो । नेपाली फिल्मको इतिहासमा यो नौलो अभ्यास थियो । यस्तै अलग किसिमको अभ्यास फिल्म ‘जेरी २’को टिमले पनि गरेको छ ।
सुपरस्टार दयाहाङ राई र निर्माता किरण नेपालीबीच पुनः टिमअप भएको छ । यसअघि फिल्म ‘दुई नम्बरी’मा सफल सहकार्य गरेका उनीहरुको नयाँ फिल्म ‘हात्तीछाप’मा जुगलबन्दी भएको हो । बिहीवार निर्माता नेपाली र दयाहाङबीच सम्झौता पत्र आदान प्रदान भयो । टिमप्रति विश्वास र कथावस्तु राम्रो लागेका कारण आफू फिल्ममा काम गर्न राजी भएको दयाहाङले बताएका छन् ।
