Nepal's No.1 Filmy Web Magazine
एउटा घटनाका कारण जेल जीवन विताएर फर्किएका अभिनेता तथा मोडल पल शाह फागु पूर्णिमाको अवसर पारेर एक वर्षपछि सामाजिक सञ्जालमा फर्किएका छन् । सोमबार परिवारसँग होली मनाएको तस्विरहरु फेसबुकमा राख्दै उनले वितेको एक वर्षलाई आफूले सिकाइको उर्बर समयको रुपमा लिएको र मनमा न कसैप्रति रिस न कुनै प्रतिशोधको भावना रहेको उल्लेख गरेका छन् ।
नेपाली फिल्मलाई ग्रामीण बजारमा पुर्याउने उद्देश्यले गत वर्षदेखि सुरु भएको ‘नेपाल ग्रामीण चलचित्र महोत्सव’को दोश्रो संस्करण आगामी बैशाख अन्तिम साता हुने भएको छ । अघिल्लो वर्ष गोरखा जिल्लाको लाप्राकमा भएको महोत्सवको दोस्रो संस्करण हुने स्थान भने तय भैसकेको छैन । चाँडै नै महोत्सव हुने स्थानको नाम घोषणा गरिने आयोजक संस्था सेलिब्रेटी नेपालले जनाएको छ ।
असत्यमाथि सत्यको विजय भएको उपलक्ष्यमा मनाउने होली पर्व आज (सोमबार) पहाडी जिल्लाहरुमा मनाइँदैछ । कतिले परिवार तथा साथीभाईहरुसँग मिलेर होली मनाएका छन् भने कतिले विभिन्न ठाउँमा आयोजित कार्यक्रममा पुगेर होलीको खुसी साटासाट गरिरहेका छन् । फेसबुक होलीका तस्विरहरुले नै भरिएको छ । राजनीतिज्ञदेखि कलाकारसम्मलाई होलीको रौनकले छोएको छ ।
आज रङहरुको पर्व अर्थात् होली (फागु पूर्णिमा) । हरेक वर्ष फागुन शुक्ल पूर्णिमाको दिन यो पर्व हर्षोल्लासपूर्वक मनाइने गरिन्छ । एकआपसमा रङ तथा अबिर दलेर खुसी साटासाट गर्दै यो पर्व मनाइन्छ । धार्मिक, साँस्कृति तथा सामाजिकको रुपमा पनि विशेष महत्त्व बोकेको होली पहाडी जिल्लाहरुमा आज मनाइएको छ भने तराईका जिल्लाहरुमा भोलि अर्थात मंगलवार मनाइँदैछ ।
अभिनेत्री निशा अधिकारले श्रीमान् शरद भेषावकरविरुद्ध अंशबन्डा मुद्धा हालेकी छन् । उनले गत भदौ २८ गते काठमाडौं जिल्ला अदालतमा हालेको अंश चलनको मुद्दामा न्यायाधीश कमलप्रसाद ज्ञवालीको इजलासले सम्पत्तिको फाँटबारी (सम्पत्तिको सम्पूर्ण विवरण) माग गर्न आदेश दिएको छ । आफू र नाबालक छोरासमेतलाई अंश भाग लगाउन माग गर्दै निशाले मुद्दा दर्ता गरेकी हुन् ।
नेपाललाई छायांकन गन्तव्यको रुपमा प्रवर्द्धन गर्ने उद्देश्यले गण्डकी प्रदेशको डकुमेन्ट्री युट्युबमा रिलिज गरिएको छ । ९ मिनेट ५२ सेकेन्ड अवधिको डकुमेन्ट्रीमा गण्डकी प्रदेश अन्तर्गत पर्ने विभिन्न रमणीय स्थानहरु समेटिएको छ, जसले विश्वकै ध्यान खिच्न सक्छ । सुयोग गुरुङको निर्देशन रहेको डकुमेन्ट्रीमा छायांकन पक्ष सानदार छ । अंग्रेजी अडियो ल्याङ्गवेजमा डकुमेन्ट्री तयार छ ।
