Nepal's No.1 Filmy Web Magazine
यही शुक्रबारबाट प्रदर्शन हुन लागेको गोविन्द सिंह भण्डारीद्वारा निर्देशित प्रेमकथानक फिल्म ‘प्रेमा’ले प्रिमियरमा सुखद प्रतिक्रिया पाएको छ । बुधबार साँझ काठमाडौंमा आयोजित प्रिमियरमा उपस्थिति भएका अतिथिहरुले कलाकारको अभिनय, कथावस्तु, निर्देशकीय पक्ष र छायांकनको प्रशंसामा शब्द खर्चिए । फिल्मको प्रशंसा हुँदा निर्देशकदेखि कलाकारसम्म हर्षित भावमा देखिन्थे ।
प्राविधिकहरुको छाता संस्था नेपाल चलचित्र प्राविधिक संघ (नेफ्टा)ले आगामी बैशाख १ गतेदेखि लागू हुने गरी नेपालमा छायांकन गर्न आउने विदेशी फिल्मले अनिवार्य रुपमा ६५ प्रतिशत नेपाली प्राविधिक राख्नुपर्ने नियम ल्याउने भएको छ । विदेशी फिल्मले नेपालमा छायांकन गर्दा प्राविधिक संघसँग अनिवार्य अनुमति लिनुका साथै सहकार्य गर्नुपर्ने नियम पनि लागू गर्ने संघको तयारी छ ।
चलचित्र विकास बोर्डले ‘सिनेमा साइबर सेक्युरिटी डेस्क’ सञ्चालन गर्ने भएको छ । मंगलबार बोर्डको सभा हलमा आयोजित पत्रकार सम्मेलनमा हटलाइन नम्बरसहितको डेस्कको लागि सिस्टम विकासको काम सुरु भएको जानकारी गराइयो । कार्यक्रममा बोर्डलाई डिजिटल प्रविधिमा लैजाने योजनासहितको डेमोस्ट्रेसन (नमुना) समेत प्रस्तुत गरिएको थियो ।
आगामी चैत २४ गतेबाट प्रदर्शन हुन लागेको लभस्टोरी फिल्म ‘प्रेमा’ दुई कारणले विशेष छ । पहिलो, लामो समय साउथ इन्डियन फिल्ममा काम गरेर फिल्म ‘रणवीर’बाट निर्देशनमा राम्रो सम्भावना देखाएका गोविन्द सिंह भण्डारीले फिल्मको निर्देशन गरेका हुन् । दोस्रो, फिल्मलाई कयैन् भारतीय विज्ञापन तथा टेलिसिरियलमा छायांकनको अनुभव बटुलिसकेका महेश पौडेलले खिचेका हुन् ।
नेपाली निर्मातालाई ओभरसिज राइट्स र डिजिटल राइट्स लगानी सुरक्षित गर्ने बलियो आधार बन्दै गएको छ । पोस्टरदेखि टिजर-ट्रेलरले राम्रो प्रतिक्रिया बटुलेको छ भने प्रदर्शन अगावै फिल्मको विदेश राइट्स महंगोमा बिक्री हुने गरेको छ । फिल्मले नेपालमा राम्रो कमाई गर्यो भने त झन् विदेशमा माग थेगिनसक्नु हुन्छ । र, निर्माताले विदेश राइट्स बेचेरै फिल्मको लगानी सुरक्षित गर्छन् ।
