Nepal's No.1 Filmy Web Magazine
गायनमा लोभलाग्दो लोकप्रियता कमाएका प्रकाश सपूतले फिल्म ‘परदेशी २’बाट नायकको रुपमा डेब्यू गरिसकेका छन् । तर, यो फिल्मको रिलिज धकेलिएको धकेल्यै छ । अब उनी आफैं फिल्म निर्माण गर्ने तयारीमा लागेका छन् । ‘परदेशी २’ प्रदर्शन भएपछि छायांकन थाल्ने तयारीसहित उनले अहिले स्क्रिप्ट लेखिरहेका छन् । आगामी बैशाखमा उनले फिल्मको नाम घोषणा गर्न सक्नेछन् ।
‘घुमिफिरी रुम्जाटार’ भनेझैं यसपालिको दशैं छाडेको फिल्म ‘परदेशी २’ अब आगामी दशैंमा प्रदर्शन हुन सक्ने देखिएको छ । दशैं छाडेर फागुन ५ गतेलाई फिल्मको नयाँ प्रदर्शन मिति तोकिएको थियो । तर, यो मितिमा पनि फिल्म प्रदर्शनमा आएन । फिल्मको कथा दशैंसँग जोडिएकाले अब आगामी दशैंमा प्रदर्शन गर्ने मनस्थितिमा निर्माण टिम रहेको विश्वस्त स्रोतले जानकारी दिएको छ ।
आगामी चैत २४ गतेबाट प्रदर्शनमा आउने तयारीमा रहेको फिल्म ‘बहाव’को ट्रेलर सार्वजनिक गरिएको छ । आइतबार राजधानीमा एक कार्यक्रमका बीच सार्वजनिक गरिएको २ मिनेट १४ सेकेन्ड लम्बाईको ट्रेलर अभिनेत्री सुरक्षा पन्तको वरिपरि घुमेको छ । उनले परिवारसँग गरेको विद्रोह र त्यसले उत्पन्न जटिल परिस्थितिलाई ट्रेलरमा देखाइएको छ । ट्रेलरले फरक फिल्म बनेको संकेत गर्छ ।
निगम श्रेष्ठको निर्देशनमा बनेको फिल्म ‘छड्के २’को पहिलो गीत सार्वजनिक गरिएको छ । आइतबार सार्वजनिक ‘छड्के खालास’ बोलको गीतमा चर्चित र्यापर भिटेनको शब्द, संगीत र आवाज छ । गीतको भिडियोमा अभिनेता अनमोल केसी बढी छाएका छन् । एङ्ग्री र मस्ती मूडसहित केही दृश्यमा उनलाई नशालु वस्तु सेवन गरेको देख्न सकिन्छ । यसले फिल्ममा उनको चरित्रबारे बोल्छ ।
आइतबार उच्च अदालत कास्कीले पल शाहविरुद्ध जबर्जस्ती करणीको अभियोगमा दाबी नपुगेको भन्दै सफाइ दिएपछि सोमबार विहान ११ बजे सम्पूर्ण कानुनी प्रक्रिया पूरा गरेर उनी दमौलीको तनहुँ कारागारबाट रिहा भएका छन् । उनको स्वागतमा बहिनी र नजिकका साथीभाई कारागार पुगेका थिए भने कारागारबाहिर पलको रिहाइको खुसीमा प्रशंसकहरुको ठूलो भीड लागेको थियो ।
तनहुँको दमौलीस्थित जिल्ला कारागारमा एक वर्षदेखि जेल जीवन विताइरहेका अभिनेता पल शाह रिहा भएका छन् । आइतबार उच्च अदालत पोखराले शाहविरुद्ध नाबालिग बलात्कार अभियोगमा दाबी नपुग्ने भन्दै सफाइ दिएपछि उनी सोमबार सम्पूर्ण प्रक्रिया पूरा गरेर कारागारबाट रिहा भएका हुन् । उनलाई साथीभाई तथा आफन्तले फूलमाला, खादा, अविर लगाएर स्वागत गरेका छन् ।
