Nepal's No.1 Filmy Web Magazine

दुई श्रृंखलामा निर्माण हुन लागेको फिल्म ‘द अनब्रेकेबल : अगस्त्य’ च्याप्टर वानमा कलाकार प्रवेशको शिलशिला रोकिएको छैन । सौगात मल्ल, मलिका महत र नाजिर हुसेनपछि फिल्ममा थप तीनजना कलाकारहरु प्रमोद अग्रहरी, रविन्द्र झा र विजय बराल जोडिएका छन् । योसँगै फिल्ममा कलाकारको लाइनअप बलियो बनेको छ । फिल्ममा केही भारतीय कलाकार पनि जोडिनेछन् ।

कहिले काहीँ नपत्याउने खोलाले बगाउँछ भन्ने एउटा उदाहरण बलिउड फिल्म ‘द केरल स्टोरी’ बनेको छ । शुक्रबारबाट प्रदर्शनमा आएको यो फिल्ममा न ठूलो स्टारकास्ट छ न ठूलो लगानी छ । तर, फिल्मको दृश्यभाषा बलियो हुँदा व्यापार पनि बलियो बनेको छ । ८ करोड ३ लाखको ओपनिङ गर्दै बलिउडलाई ठूलो ‘सरप्राइज’ दिएको यो फिल्मले दोस्रो दिन ११ करोड २२ लाख जोडेको छ ।

फिल्म निर्माणमा सफल मानिएका किरण नेपालीले अब निर्देशनमा हात हाल्ने भएका छन् । उनको डेब्यू निर्देशनमा फिल्म ‘सोली डोली’ बन्न लागेको हो । रेड बर्ड प्रोडक्शनको प्रस्तुतिमा तयार हुने फिल्मलाई प्रदीप भारद्वाजले लेखेका हुन् । कमेडी कथामा बन्न लागेको फिल्ममा चारजना नायक र तीनजना नायिका हुने किरणले जानकारी दिए । असोजबाट फिल्मको छायांकन सुरु हुनेछ ।

नेपाललाई १०४ वर्षे राणा शासनमा धकेलेको कोत पर्व (नेपालको इतिहासमा नै दोश्रो ठूलो हत्याकाण्ड)मा आधारित भएर निर्देशक रिमेश अधिकारीले फिल्म बनाउने भएका छन् । ‘कोत पर्व’ नाम राखिएको फिल्मको आउँदो माघ २१ गतेबाट छायांकन सुरु हुने जानकारी दिँदै रिमेशले स्क्रिप्ट लेखनको काम सकिएको र अहिले इतिहास विद्हरुसँग स्क्रिप्टमा छलफल भैरहेको बताएका छन् ।

बलिउड सुपरस्टार आमिर खान पुनः नेपाल आएका छन् । उनी आइतबार बिहान भिस्तारा एयरलाइन्सको विमानबाट काठमाडौं ओर्लिएका हुन् । यसअघि २०७१ सालमा एक एनजीओको कार्यक्रमका लागि काठमाडौं आएका उनी यसपटक बुढानीलकण्ठस्थित विपस्यना ध्यान केन्द्रको एक विशेष कार्यक्रममा सहभागी हुन नेपाल आएको जानकारी प्राप्त छ । उनी १० दिन नेपालमै बस्नेछन् ।

मिस नेपालमा सहभागी भएपछि नीति शाहलाई फिल्म प्रस्तावको ओइरो लागेको थियो । तर, उनले लामो समय फिल्ममा काम गर्ने मन देखाइनन् । अब भने फिल्ममा नै करिअर बनाउने सपना बुनेकी छन् । यसैले लगातार फिल्म सम्झौता गरिरहेकी छन् । उनले लकडाउनभन्दा अघि फिल्म ‘हुतुतु’ र त्यसपछि फिल्म ‘एक्स ९’ साइन गरेकी थिइन् । तर, दुवै फिल्म निर्माण हुन सकेका छैनन् ।