Nepal's No.1 Filmy Web Magazine
आगामी जेठ १२ गतेबाट प्रदर्शनमा आउन लागेको शम्भु थापाद्वारा निर्देशित फिल्म ‘हुक्काः एन एब्सर्ड ड्रिम’को गीत ‘जाउ नआउ’ सार्वजनिक गरिएको छ । युशिन राईको स्वर तथा शब्द रचना रहेको गीतमा प्रयत्न श्रेष्ठको संगीत छ । गीतमा फिल्मका पात्रहरुको मनोदशा र मनोविज्ञानलाई देखाइएको छ । गीतमा फिल्मका केही संवादसहितका दृश्य समावेश छ । गीतको अडियो बलियो छ ।
नेपालका केही हिमाली जिल्लामा अझै बहुपति प्रथा कायम छ । एउटा घरको दाजुभाईमध्ये कोही एकले विवाह गरेको महिलालाई सबैले विवाह गरेर श्रीमती मान्नुपर्ने प्रचलनलाई बहुपति प्रथा भनिन्छ । यही प्रथामा आधारित भएर निर्माण भएको फिल्म ‘टुल्की’को ट्रेलर सार्वजनिक गरिएको छ । २ मिनेट लामो ट्रेलरमा तीन दाजुभाईको श्रीमती हुनुपर्ने टुल्की पात्रको नियतिलाई देखाइएको छ ।
गत आइतबार विपश्यना ध्यानका लागि नेपाल आएका अभिनेता आमिर खान स्वदेश फर्किएका छन् । उनी शुक्रबार बिहान करिब ११ बजे इण्डिगो एयरलाइन्सबाट भारत प्रस्थान गरेको जानकारी प्राप्त छ । उनी १० दिनको ध्यान बीचमै छाडेर स्वदेश फर्किनुको कारण भने खुलेको छैन । उनी बुढानीलकण्ठस्थित नेपाल विपश्यना ध्यान केन्द्रको ध्यान शिविरमा भाग लिन नेपाल आएका थिए ।
अभिनेत्रीको जुन मानक बनेको छ, त्यसमा अटाउने नाम हो, जसिता गुरुङ । अभिनेत्रीमा हुनुपर्ने सबै गुण छ उनमा । सुन्दरताको चर्चा हुँदा उनको नाम छुट्दैन । अभिनयमा पनि उनले आफ्नो कला देखाइसकेकी छन् । फिल्म ‘ज्याकीः आई एम ट्वान्टी वान’बाट उनले नृत्यमा पनि आफूलाई प्रमाणित गरेकी छन् । तर, उनका लागि फिल्मको सफलता भने ‘आकाशको फल’ झैँ बनिरहेको छ ।
मोबाइल र इन्टरनेटको युगभन्दा अगाडि नेपालमा चिठीबाट सन्देश आदान-प्रदान हुन्थ्यो । चिठी लिएर हुलाकी घर-घर पुग्थे । कुनै समय चिठीले नेपाली समाजमा मोबाइलको काम गरेको थियो । तर, प्रविधिको फड्कोसँगै मोबाइलको बढ्दो प्रयोगले अहिले चिठीपत्र भन्ने कुरा एकादेशको कथा जस्तो भैसकेको छ । अबको नयाँ पुस्तालाई त हुलाक र चिठीपत्र भन्ने नै थाहा नहुन सक्छ ।
अभिनेता पल शाहले आफूले भोगेको घटनामाथि आफ्नै निर्देशन र अभिनयमा म्यूजिक भिडियो तयार पारेका छन् । बिहीबार पल स्वयंको युट्युब च्यानलमा सार्वजनिक गरिएको ‘तिमीलाई हेर्ने बानी पर्यो’को फिमेल भर्सन गीतमा उनले आफ्नै कैदी जीवनदेखि रिहाईसम्मको घटना देखाएका छन् । एक घटनाका कारण पल गत वर्षको फागुन १५ गते १ वर्ष जेल जीवन विताएर फर्केका हुन् ।
