Nepal's No.1 Filmy Web Magazine
अघिल्लो वर्ष अभिनेत्री आँचल शर्माका लागि सम्झनलायक रह्यो । उनले खासै अपेक्षा नराखेको फिल्म ‘झिँगेदाउ’ हिट भयो । यसले उनको अभिनय करिअरमा एउटा इट्टा थप्ने काम गरेको छ । तर, उनलाई यस वर्षको सुरुवातमा नै झड्का लाग्यो । हिट फिल्मको छैठौं श्रृंखला ‘नाईं नभन्नू ल ६’ उनको करिअरकै सबैभन्दा ठूलो डिजास्टर बनेको छ । यो उनले कल्पनासम्म नगरेको कुरा थियो ।
गएको दुई वर्षमा अभिनेता अनमोल केसीले झन्डै आधा दर्जन फिल्म सम्झौता गरे । त्यसमध्ये केही फिल्म उनले छाडिसकेका छन् भने केही छायांकनमा जान ढिलाइ भएका छन् । उनी गएको चैत अथवा बैशाखबाट फिल्म ‘जेरी : अन टप’को छायांकनमा आबद्ध हुने तयारीमा थिए । तर, अब यो फिल्मको निर्माण नै धकेलिएको छ । अर्को वर्ष मात्र फिल्मको छायांकन हुन सक्ने सम्भावना छ ।
वर्षौंदेखि नेपाली फिल्म स्वदेशी बजारमै विदेशी फिल्मको अगाडि निरीह बनिरहेको छ । करोडौंको लागतमा बन्ने विदेशी फिल्मसँग नेपाली फिल्मले प्रतिस्पर्धा गरिरहेका छन् । राज्यको नीति नै उपयुक्त नहुँदा विदेशी फिल्म निर्वाध भित्रिरहेका छन्, जसले नेपाली फिल्म उद्योगलाई नै संकटमा पारेको छ । राज्यसँग नेपाली फिल्मको विकास, विस्तार तथा प्रवर्द्धनका लागि कुनै योजना नै छैन ।
लण्डनको लिसेस्टर स्क्वायरस्थित विश्वकै दोस्रो ठूलो थिएटर चेन आइम्याक्स सिनेवर्ल्डमा पहिलो पटक नेपाली फिल्म प्रिमियर हुने भएको छ । हलिउडका ठूला स्टारका फिल्म प्रिमियर हुँदै आएको उक्त हलमा निर्देशक तथा निर्माता मिलन चाम्सले आफ्नो ड्रिम प्रोजेक्ट ‘गोर्खा वारियर’ प्रिमियर गर्न लागेका हुन् । मंगलबार काठमाडौंमा एक कार्यक्रम गर्दै उनले यसबारेमा जानकारी गराए ।
एक वर्ष जेल जीवन विताएर गत फागुन १५ गते रिहा भएका अभिनेता पल शाह यतिबेला म्यूजिक भिडियोमा मात्र काम गरिरहेका छन् । उनलाई फिल्म प्रस्ताव पनि राम्रै पुगिरेहको छ । तर, जेलबाट छुटेपछि उनले कुनै फिल्म सम्झौता गरेका छैनन् । एउटा टिमसँग भने उनको सहकार्यको सम्भावना प्रवल छ । त्यो टिम हो, ‘प्रकाश’ फेम्ड निर्देशक दिनेश राउत र लेखक विकास सुवेदी ।
अभिनय करिअरको एक दशकभन्दा लामो अवधिमा अभिनेत्री बेनिशा हमालले पहिलो पटक हिट फिल्म भेटाएकी छन् । अघिल्लो वर्ष प्रदर्शनमा आएको फिल्म ‘छक्का पञ्जा ४’को सफलताले उनको करिअरलाई नै पूर्नजीवन दिएको छ । यद्यपि, लगातार फिल्म असफल हुँदा पनि उनी कामविहीन भने कहिल्यै हुनुपरेको थिएन । यसको कारण सिर्फ एउटै हो, उनी अभिनयमा अब्बल छिन् ।
