Nepal's No.1 Filmy Web Magazine
अभिनेता सौगात मल्ल यतिबेला करिअरको उत्कर्षमा छन् । उनलाई लिएर फिल्म बनाउन निर्माताहरु ‘क्यू’मा बसेका छन् । गत वर्ष ‘कबड्डी ४’ र ‘दुई नम्बरी’ सफल भएपछि उनको व्यस्तता थप बढेको छ । अहिले उनको पाइपलाइनमा मात्र आधा दर्जन बढी फिल्म छन् । सबै फिल्मका निर्माता उनकै समय पर्खेर बसेका छन् । उनलाई भने फिल्मको सेड्युल मिलाउन सकस भैरहेको छ ।
केही नेपाली फिल्मको भाग्य अनौठो हुन्छ । हलमा दर्शक अभावले शो समेत ‘क्यान्सिल’ भएको फिल्मले युट्युब रिलिजमा ‘हिट’को ट्याग पाउँछ । यसको कारण हो, हलमा पैसा तिरेर हेर्नुपर्ने फिल्म युट्युबमा सित्तैमा हेर्न पाइन्छ । सित्तैमा पाए मान्छेले अलकत्रा त पचाउन सक्छ भने फिल्म कसले छाड्छ ? यसैले आजकाल नेपाली फिल्महरु हलमा भन्दा ज्यादा युट्युबमा हिट हुने गरेका छन् ।
८०/९० को दशकमा नेपाली फिल्ममा अभिनेत्री विपना थापाको रजगज थियो । गाउँले र दुःखी चरित्रमा उनी निर्विकल्प जस्तै थिइन् । एक सय बढी फिल्ममा काम गरेकी उनी भारतीय नागरिकसँग विवाह बन्धनमा बाँधिएपछि भने अभिनयबाट टाढा भइन् । सन्तान भएपछि फिल्मसँग उनको दूरी झन् बढ्यो । अब उनी करिब १७ वर्षपछि फिल्म ‘ह्रस्व दीर्घ’बाट अभिनयमा पुनरागमन गर्दैछिन् ।
गत बैशाख १ गते प्रदर्शनमा आएको फिल्म ‘जारी’पछि हलहरु चकमन्न छन् । हरेक हप्ता फिल्म प्रदर्शन त भैरहेका छन् तर कुनैले दर्शक तान्न सकेका छैनन् । यसबीच, फ्राइडे रिलिज अन्तर्गत यो हप्ता दुई फिल्म ‘हुक्का : एन एब्सर्ड ड्रिम’ र ‘टुल्की’ प्रदर्शनमा आएका छन् । दुवै फिल्मले समान हिसाबमा मल्टीप्लेक्सहरुमा शो पाएका छन् भने सिंगल थिएटर पनि बराबर जस्तै मिलेको छ ।
बलिउडका लोकप्रिय कलाकार आशीष विद्यार्थीले ६० वर्षको उमेरमा दोस्रो विवाह गरेका छन् । असम राज्यकी रुपाली बरुआसँग उनले बिहीबार विवाह गरेका हुन् । उनीहरुको अदालती विवाह भएको हो । रुपाली फेसन विजनेशमा आबद्ध छिन् । आशीषले सञ्चारकर्मीहरुसँग कुराकानी गर्दै जिन्दगीको यो विन्दूमा विवाह गर्नुलाई ‘एक्स्ट्रा-अर्डिनरी फिलिङ’को रुपमा ब्याख्या गरेका छन् ।
अभिनेताद्वय सौगात मल्ल र नाजिर हुसेनले पहिलो पटक फिल्ममा काम गर्दैछन् । फिल्म ‘अगस्त्य’मा उनीहरुबीच सहकार्य भएको हो । करिब दुई हप्तादेखि दुवै फिल्मको वर्कसपमा व्यस्त छन् । मंगलबार भारतको गोरखपुरबाट छायांकन सुरु गर्न लागिएको फिल्ममा अभिनेत्री मालिका महतको पनि मुख्य भूमिका रहनेछ । सौरभ चौधरीको लेखन तथा निर्देशनमा फिल्म बन्न लागेको हो ।
