Nepal's No.1 Filmy Web Magazine
युवापुस्तामा राम्रो क्रेज भएका अभिनेता आकाश श्रेष्ठले लभर ब्वाईको छवि बनाएका छन् । डेब्यू फिल्म ‘म त तिम्रै हुँ’देखि नै उनी रोमान्टिक क्यारेक्टरमा जकडिएका छन् । एकैखाले क्यारेक्टर करिअरका लागि हानिकारक मानिन्छ । तर, कलाकारले चाहेर मात्र फरक क्यारेक्टर गर्न सम्भव छैन । यो मेकरले चाहनु पर्छ । कलाकार भनेका त काँचो माटो हुन्, जुन आकार पनि दिन सकिन्छ ।
फिल्म ‘प्रेमगीत ३’ हिन्दी भाषामा डब भएर भारतका हलमा प्रदर्शन भएपछि नेपाली फिल्ममा हिन्दी डबको ट्रेन्ड नै सुरु भएको छ । यो बीचमा धेरै नेपाली फिल्म हिन्दीमा डब भैसकेका छन् । यसैक्रममा, आगामी असार १५ गतेबाट प्रदर्शन हुन लागेको फिल्म ‘परस्त्री’लाई पनि हिन्दीमा डब गरेर भारतमा प्रदर्शन गरिँदैछ । अहिले भारतको एक स्टुडियोमा हिन्दी डबको काम भैरहेको छ ।
कला विधामा सक्रिय पत्रकारहरुको छाता संस्था चलचित्र पत्रकार संघ नेपालले आफ्नो २४औं वार्षिकोत्सव तथा चलचित्र पत्रकारिता दिवसको अवसरमा सातजना चलचित्र पत्रकारहरुलाई सम्मानित तथा पुरस्कृत गरेको छ । आइतबार काठमाडौंमा एक कार्यक्रमका बीच राष्ट्रियसभाका अध्यक्ष गणेश तिमल्सिना, चलचित्र पत्रकार संघका अध्यक्ष समीर बलामी, चलचित्र विकास बोर्डका अध्यक्ष भुवन केसी, प्रथम रंगीन नेपाली फिल्मकी अभिनेत्री चैत्य देवी, प्रेस काउन्सिलका अध्यक्ष बालकृष्ण बस्नेतसहितले सम्मान तथा पुरस्कार प्रदान गरेका हुन् ।
अभिनेता पल शाहले एक घटनाका कारण एक वर्ष जेल जीवन विताए । गत वर्षको फागुनमा जेलमुक्त भएका उनले केही दिनको विश्रामपछि लगातार म्यूजिक भिडियोमा काम गरिरहेका छन् । उनको कमब्याक भिडियो ‘तिमीलाई हेर्ने बानी पर्यो’को फिमेल भर्सन अघिल्लो हप्ता रिलिज भयो । जसलाई उनी आफैंले निर्देशन गरेका थिए भने आफ्नै जेल जीवनलाई दृश्यमा उतारेका थिए ।
पत्रकारिताबाट निर्देशनमा होमिएका लक्ष्मण सुवेदीले आफ्नो तेस्रो फिल्म ‘सतीदेवी’को छायांकन पूरा गरेका छन् । बैशाख ११ गते भद्रकाली मन्दिरमा मुहूर्त गर्दै काठमाडौंबाट छायांकन सुरु गरेका उनले शनिबार लमजुङको एक गाउँमा फिल्म ‘प्याकअप’ गरेका हुन् । काठमाडौंमा ४ दिन र गण्डकी प्रदेशको लमजुङ र तनहुँमा २३ दिन छायांकन भएको फिल्म गाउँले परिवेशमा बनेको छ ।
साउथ सुपरस्टार थलापति विजयको जबर्जस्त फ्यान फलोइंग छ । नृत्य, अभिनय र एक्सनमा अब्बल मानिने उनका एकपछि अर्को फिल्म बक्सअफिसमा सफल भैरहेका छन् । यसैले उनले पारिश्रमिक पनि हरेक फिल्म हिट भएपछि बढाउँदै आएका छन् । केही दिनयता उनले एक फिल्मका लागि २ सय करोड पारिश्रमिक बुझेको भन्ने चर्चाले मिडिया र सामाजिक सञ्जाल व्यापक तातेको छ ।
