Nepal's No.1 Filmy Web Magazine
रेनशा वान्तवा राईद्वारा निर्देशित डान्स ड्रामा फिल्म ‘आई एम ट्वान्टी वान’को दोस्रो गीत सार्वजनिक गरिएको छ । ‘योद्धा’ बोलको गीतमा त्रिशला गुरुङ र प्रसिद राजोपाध्यायको स्वर, स्वप्निल शर्माको शब्द, स्वप्निल र रोहित शाक्यको संगीत छ । गीतको अडियो पक्ष जति सशक्त छ, भिडियोमा फिल्मका प्रमुख दुई पात्र धिरज मगर र जसिता गुरुङले नृत्यमा गरेको मिहिनेत उस्तै उम्दा छ ।
‘पञ्जेबाजा’ फेम्ड निर्देशक घनश्याम लामिछानेको निर्देशनमा फिल्म ‘चित्रा’ बन्ने भएको छ । बिहीबार राम नवमीको अवसर पारेर फिल्मको निर्माण घोषणासँगै प्रमुख भूमिकामा अभिनय गर्ने कलाकारको नाम सार्वजनिक गरियो । आगामी भदौबाट छायांकनमा जान लागेको फिल्ममा अभिनेता अर्पण थापा र ‘आमा’ फिल्मका निर्माता समेत रहेका सन्तोष अधिकारीको मुख्य भूमिका रहनेछ ।
आफूले मार्गदर्शक र आदर्श मानेको व्यक्तिले आफ्नो कामको प्रशंसा गर्दा जोकोहीलाई त्योभन्दा खुशीको क्षण सम्भवतः अरु हुँदैन । जीवनको सबैभन्दा ठूलो कमाई नै त्यही हो । बिहीबार फिल्म ‘बुलाकी’को ट्रेलर रिलिज कार्यक्रममा नेपाली फिल्मका नामी कलाकार तथा निर्देशक रमेश बुढाथोकीले आफ्नो अभिनय कलाको प्रशंसा गर्दा अभिनेत्री सुरक्षा पन्त नतमस्तक बनेकी थिइन् ।
आगामी बैशाख १० गते तीनवटा क्षेत्रमा हुन लागेको उपनिर्वाचनका लागि विभिन्न पार्टीहरु उम्मेदवारको नाम टुंगो लगाउन जुटेका छन् । यसबीच, बारा क्षेत्र नं. २ बाट चुनाव लड्न राष्ट्रिय स्वतन्त्र पार्टीले अभिनेता विराज भट्टलाई प्रस्ताव राखेको थियो । तर, उनले उक्त प्रस्ताव स्वीकार नगरेपछि स्वतन्त्र पार्टीले रमेश खरेल र युवराज न्यौपानेको नाम प्रारम्भिक उम्मेदवारको सूचीमा राखेको छ ।
गत फागुन १९ गते प्रदर्शनमा आएको दुई फिल्म ‘छक्का पञ्जा ४’ र ‘छड्के २’पछि नेपाली हलमा स्वदेशी फिल्म प्रदर्शनमा आएका थिएनन् । यसको एउटा कारण ‘छक्का पञ्जा ४’को डर पनि थियो । यो फिल्मको चार हप्तासम्मको व्यापार अंक हेर्दा अन्य फिल्मले प्रदर्शनका लागि डर मान्नु स्वभाविक पनि देखिन्छ । अब भने हलमा शुक्रबारबाट नयाँ नेपाली फिल्म ‘प्रेमा’ प्रदर्शनमा आएको छ ।
आगामी बैशाख १ गतेबाट प्रदर्शनमा आउन लागेको लक्ष्मण सुनारद्वारा निर्देशित फिल्म ‘बुलाकी’को ट्रेलर सार्वजनिक गरिएको छ । बिहीबार राजधानीमा एक कार्यक्रमका बीच सार्वजनिक गरिएको ट्रेलरमा कर्णाली क्षेत्रमा प्रचलनमा रहेको जारी प्रथाको विकराल रुप देखाइएको छ । ट्रेलरमा फिल्मभित्रका तीन प्रमुख पात्रहरु सुरक्षा पन्त, नरेन खड्का र विराज विष्टलाई केन्द्रमा राखिएको छ ।
