Nepal's No.1 Filmy Web Magazine
जुनसुकै क्षेत्रमा राम्रा र नराम्रा दुवै पक्ष हुन्छन् । नेपाली फिल्म क्षेत्रमा पनि छ । कोही नराम्रो पक्षसँग लडेर अगाडि बढ्छन् त कोही हार खान्छन् । फिल्म क्षेत्रमा भोगेको तीतो अनुभवले धेरै कलाकार पलायनको बाटो रोज्न बाध्य छन् । अभिनेत्री दीया पुन पनि एक विन्दूमा फिल्म क्षेत्रबाटै टाढिने सोचमा पुगेकी थिइन् । जब उनले काम गरेको फिल्मबाटै पारिश्रमिक पाउन ठूलो संघर्ष गर्नुपर्यो ।
दोस्रो संस्करणको ‘नेपाल ग्रामीण चलचित्र महोत्सव’ (नेरुफ्फ)मा फिल्म ‘झिँगेदाउ’बाट मुकुन्द भुषाल उत्कृष्ट अभिनेता र फिल्म ‘प्रकाश’बाट दीया मास्के उत्कृष्ट अभिनेत्री घोषित भएका छन् । जेठ २६ र २७ गते काभ्रेको भकुण्डेबेसीस्थित जनक माध्यमिक विद्यालयमा आयोजना भएको महोत्सवको शनिबार समापन समारोहमा दुवैले अवार्ड ग्रहण गरे । सोही महोत्सवमा ‘झिँगेदाउ’ उत्कृष्ट फिल्म पनि घोषित भएको छ ।
अनिता पण्डितद्वारा निर्देशित फिल्म ‘मीराः स्याडो अफ अ रेन्बो’को गीत सार्वजनिक गरिएको छ । ‘मेरो विश्वास’ बोलको रोमान्टिक भावको गीतमा प्रविशा अधिकारीको स्वर, एलिस कार्कीको संगीत तथा पवित्रा घिमिरेको शब्द रचना रहेको छ । फिल्मका मुख्य अभिनेत्रीद्वय सुरविना कार्की र अनिता पण्डित प्रस्तुत गीतमा ट्रान्सजेन्डर महिलाबीचको प्रेम सम्बन्धलाई देखाउन खोजिएको छ ।
आगामी असार १५ गतेबाट नेपाल र भारतमा एकसाथ प्रदर्शन हुन लागेको फिल्म ‘परस्त्री’को हिन्दी डब ट्रेलर सार्वजनिक गरिएको छ । शनिबार भारतीय युट्युब च्यानल बीफोरयू म्यूजिकबाट सार्वजनिक ट्रेलरमा विवाहेत्तर सम्बन्ध (एक्स्ट्रा म्यारिटल अफेयर्स)ले निम्त्याएको पारिवारिक विग्रह र संकटको कथा प्रस्तुत छ । बिहीबार फिल्मको नेपाली भर्सनको ट्रेलर सार्वजनिक गरिएको थियो ।
सन् २००९ देखि अभिनेता शाहिद कपूरको करिअर ओरालो लाग्न थालेको थियो । एकपछि अर्को फिल्म असफल भैरहेका थिए । तर, सन् २०१९ मा आएको फिल्म ‘कबीर सिंह’ले उनलाई फेरि एकपटक उचाइँमा पुर्यायो । २०२२ मा आएको उनकै नयाँ फिल्म ‘जर्सी’ भने नराम्रोसँग डुब्यो । यसपछि उनले ‘फर्जी’ र ‘ब्लडी डेडी’ वेब सिरिजमा काम गरे । अब उनी फिल्म गर्ने तयारीमा छन् ।
दीपल वलीको निर्देशनमा बन्न लागेको फिल्म ‘कामिनो’ स्टारकास्टका कारण चर्चामा छ । फिल्ममा प्रदीप खड्का, नीति शाह, वर्षा सिवाकोटी, राजबल्लभ कोइराला मुख्य भूमिकामा देखिँदैछन् । सौगात मल्ल पनि फिल्ममा अनुबन्ध छन् । तर, उनको अर्को फिल्मसँग सेड्युल जुध्ने भएपछि ‘कामिनो’मा नहुने सम्भावना प्रवल छ । यद्यपि, उनको सेड्युल मिलाउने प्रयासमा निर्माण टिम छ ।
