Nepal's No.1 Filmy Web Magazine
अभिनेत्री रेजिना उप्रेतीले ९ वर्षको अन्तरालपछि फिल्ममा कमब्याक गर्ने भएकी छन् । शंकर कोइरालाको निर्देशनमा बन्न लागेको फिल्म ‘मोदीबेनी’बाट उनले कमब्याक गर्ने निश्चित भएको हो । पछिल्लोपटक फिल्म ‘बरदान’मा मुख्य भूमिकामा देखिएकी उनी चलचित्र कलाकार संघमा दुई कार्यकाल उपाध्यक्ष र बरिष्ठ उपाध्यक्ष थिइन् । उनी कमब्याकलाई लिएर उत्साहित देखिएकी छन् ।
धेरै नेपाली फिल्ममा सहायक निर्देशक भएर काम गरेका विनयराज पौडेलले अब आफैं निर्देशनको जिम्मेवारी सम्हाल्ने भएका छन् । उनको डेब्यू निर्देशनमा फिल्म ‘आम नागरिक’ बन्न लागेको हो । बिहीबार एक पोस्टर सार्वजनिक गर्दै फिल्म निर्माणको घोषणा गरिएको छ । पोस्टरमा एक पात्रले शरीर पछाडि खुकुरी लिएर उभिएको देखिन्छ । यसले फिल्म एक्सन प्रधान रहने संकेत गर्छ ।
फिल्म (निर्माण, प्रदर्शन तथा वितरण) सम्बन्धी विधेयक तर्जुमा गर्न सरकारले सैद्धान्तिक स्वीकृति दिएको छ । सञ्चार तथा सूचना प्रविधि मन्त्रालयको प्रस्तावमा मंगलबार बसेको मन्त्रिपरिषद्को बैठकले फिल्मसम्बन्धी विधेयकलाई अन्तिम रुप दिन सैद्धान्तिक स्वीकृति प्रदान गर्ने निर्णय गरेको हो । यो निर्णयसँगै सञ्चार मन्त्रालयलाई विधेयकको मस्यौदा अगाडि बढाउन बाटो खुलेको छ ।
तीन ‘स्टार’ नायक आर्यन सिग्देल, प्रदीप खड्का र पल शाहले पहिलोपटक फिल्म ‘पूजार सार्की’मा एकसाथ काम गर्दैछन् । यसैले निर्माण अगावै फिल्मको चर्चा उत्कर्षमा छ । फिल्मले व्यावसायिक रेकर्ड बनाउन सक्ने प्रक्षेपण पनि सुरु भएको छ । यो निर्माण टिमका लागि भने ठूलो चुनौती हो । ‘स्टारकास्ट’का कारण फिल्मप्रति चुलिएको अपेक्षामा खरो उत्रिनुपर्ने दबाब निर्माण टिममा छ ।
यही माघ २६ गतेबाट प्रदर्शनमा आउन लागेको सिमोस सुनुवारद्वारा निर्देशित फिल्म ‘हात्तीछाप’को ट्रेलर सार्वजनिक गरिएको छ । ३ मिनेटको ट्रेलरले सामाजिक कथा उठाउँदै प्रेम र कमेडीको स्वाद पस्किएको छ । दयाहाङ राई र उपासना सिंह ठकुरीबीचको नोकझोंकपूर्ण प्रेम र सौगात मल्लको ‘बोत्तल राजा’ अवतार ट्रेलरको आकर्षक पक्ष हो । सौगातको संवाद बोल्ने शैली रोचक छ ।
अभिनेत्री शिल्पा मास्केको करिअर सुखद् बन्न सकेको छैन । निरन्तर फिल्ममा काम गर्दै आएको भए पनि व्यावसायिक सफलता उनीबाट टाढै छ । फिल्म ‘कागजपत्र’बाट उनको डेब्यू भयो । रिलिजको हिसाबले भने पहिलो फिल्म ‘द ब्रेकअप’ हो । तर, यी दुवै असफल भए । तेस्रो फिल्म ‘सानो मन’ले पनि उनलाई निराश नै तुल्यायो । यद्यपि, उनले अभिनयमा सम्भावना देखाएकी थिइन् ।
- ‘राम नाम सत्य’को ट्रेलरमा विराज र सुशीलको टकराव
- काठमाडौंमा सुरू भयो ‘निफ’, भोलि संवाद गर्दै ‘शोले’ निर्देशक र हमाल
- सागरमाथि बलात्कारको आरोप लगाएकी युवती भन्छिन्, ‘दाइ भन्थेँ, राक्षस रहेछ’
- बलात्कारको आरोप लागेपछि ‘पाँच पाण्डव’बाट निकालिए ‘बले’
- विराजलाई प्रश्न- ‘नातिनी उमेरकी युवतीसँग रोमान्स गर्न कसरी मान्नुभयो ?’
