Nepal's No.1 Filmy Web Magazine
‘ह्यान्डसम भिलेन’को रुपमा चिनिएका अनुपविक्रम शाहीले बलिष्ठ शरीर बनाएका छन् । यसका लागि उनी दिनहुँ जिममा पसिना बगाउँछन् । खानपिनदेखि अन्य जीवनशैलीमा अनुशासित छन् । यसैले त उनको शरीर बाह्रैमास एकैनास हुन्छ । उनको सुगठित शरीर फिल्ममा पनि काम लाग्दै आएको छ । भिलेनको भूमिका निर्वाह गर्दा एक्सन सिनमा उनलाई शरीरले राम्रो साथ दिने गर्छ ।
आगामी भदौ १ गतेबाट प्रदर्शनमा आउन लागेको फिल्म ‘नम्बरी सुन’को बागमती प्रदेशको राजधानी हेटौंडामा प्रिमियर गरिएको छ । शनिबार बिहान हेटौंडाको ओम्याक्स हलमा गरिएको प्रिमियरमा स्थानीय दर्शकहरुको उल्लेख्य उपस्थिति थियो । फिल्मका प्रस्तुतकर्ता नारायण खातीको हेटौंडा जन्मथलो भएकाले उनले फिल्मको पहिलो प्रदर्शन पनि आफू हुर्किएको शहरमा गरेका हुन् ।
अहिलेको समयका सफल अभिनेता हुन्, दयाहाङ राई । गत वर्षकै कुरा गर्ने हो भने सबैभन्दा बढी हिट फिल्म उनले नै दिए । यस वर्षको पहिलो हिट फिल्म (जारी) पनि उनकै भयो । यसरी हेर्दा उनीप्रति दर्शकको ठूलो विश्वास देखिन्छ । लगातार फिल्म सफल भैरहँदा एउटा कलाकारलाई व्यावसायिक सफलताको दबाबले नराम्ररी थिच्न थाल्छ । जुन अहिले दयाहाङको हकमा लागू हुन्छ ।
फिल्म सफलताको ठूलो मानक मानिने प्रदर्शनको ५१औं दिने यात्रा यस वर्षका लागि फिल्म ‘जारी’ले पूरा गरेको छ । गत बैशाख १ गतेबाट प्रदर्शनमा आएको फिल्मले शनिबार उपत्यकाबाहिर ११ वटा र उपत्यकाभित्र १८ वटा गरी २९ वटा हलमा प्रदर्शनको ५१औं दिन मनाएको हो । निर्माण कम्पनी बासुरी फिल्म्सले ५१औं दिने खुसीमा एक पोस्टरमार्फत् दर्शकलाई धन्यवाद ज्ञापन गरेको छ ।
यस वर्षको बैशाख १५ गते प्रदर्शन भएको फिल्म ‘कैदीको पत्र’का निर्देशक सनम कुमार बैरागले लण्डनबाट नयाँ फिल्मको घोषणा गरेका छन् । बिहीबार उनले एक समारोहका बीच फिल्म ‘सिद्धार्थ’को औपचारिक घोषणा गरेका हुन् । बेलायतमा २० प्रतिशत र बाँकी नेपालमा छायांकन हुने फिल्ममा विजय लामा, पृथ्वीराज केसी र बिभिया श्रेष्ठ प्रमुख भूमिकामा अनुबन्धित भैसकेका छन् ।
अभिनयमा पारंगत मानिने अभिनेत्री नम्रता श्रेष्ठ करिब चार वर्षदेखि पर्दामा देखिएकी छैनन् । पछिल्लो पटक २०७६ सालमा उनी अभिनीत फिल्म ‘जाइरा’ रिलिज भएको थियो । त्यसपछि उनले केही फिल्म त सम्झौता गरिन् तर काम गरिनन् । फिल्म ‘प्रसाद २’ विभिन्न लफडाले सुटिङमा गएर पनि रोकिएपछि उनले फिल्मै छाडिदिइन् । र, उनको ठाउँमा केकी अधिकारीले अभिनय गरिन् ।
