Nepal's No.1 Filmy Web Magazine
बैशाख १५ गते सार्वजनिक हुन लागेको फिल्म 'भैहाल्छ नी' सफा र सुन्दर शहरको अभियानमा लाग्ने भएको छ । काठमाण्डौ शहरलाई सफा राख्नु पर्छ भन्ने हेतुले फिल्म युनिटले शहरको कुनै कुनामा पनि आफ्नो फिल्मको पोस्टर नटाँस्ने भएको छ ।
२०५८ सालमा माया नमार फिल्मबाट संगीतकारमा डेब्यू गरेका सुरेश अधिकारीले फिल्म निर्देशनमा डेब्यू गर्दैछन् । यस अघि 'तिमी मेरो म तिम्रो' फिल्मबाट प्रोड्यूसरको समेत ट्याग भिरिसकेका अधिकारीले जेठको अन्तिम सातावाट आफ्नो निर्देशनमा कमेडी फिल्म 'आईडिया' बनाउँदैछन् ।
दुई हप्ते सेडुवल बनाएर थाईल्याण्ड गएको आगमन टोली स्वदेश फर्किएको छ । १२ दिन सम्म थाईल्याण्डको पटाया र बैङककमा सुटिङ भएको फिल्ममा सुवास थापा, सुष्मा कार्की अस्मिता कडेल सहित १० सदस्य जना रहेका थिए ।
एउटै समयमा सुटिङ शुरू गरि एकै दिन इण्डक्ल्याप गरिएको दुई फिल्म 'थ्री लभर्स' र 'फेसबुक' को रिलिज डेट पनि एउटै हुने भएको छ । नरेन्द्र महर्जनले वितरणको जिम्मा लिएको 'थ्री लभर्स' साउन १२ गते रिलिज हुने तयारीमा छ भने वितरक फाईलन नगरिएको 'फेसबुक' लाई निर्माता सुनिल कुमार थापाले साउन १५ गते रिलिज गर्ने तयारी गरेका छन् ।
२०६८ सालको अन्त्य तिर मात्र नेपाली फिल्म इन्डट्रीले व्यापारिक सफलता हात पार्यो । तर ०६९ को शुरूवात मै नेपाली फिल्महरूले व्यापारिक सफलता हात पार्ने अनुमान लगाईएको छ ।
मलेसियामा प्रिमियर भई दर्शकको राम्रो प्रतिक्रिया पाएको फिल्म 'के म तिम्रो साथी बन्न सक्छु' लाई इजरायलमा पनि रिलिज गरिंदैछ । आउँदो शुक्रबार इजरायलको बारबोर हलमा हुन लागेको फिल्मको बिशेष प्रदर्शनीका लागि निर्माता कृषा चौलागाईँ भोली साँझ त्यसतर्फ प्रस्थान गर्दैछिन् ।
