Nepal's No.1 Filmy Web Magazine
‘कबड्डी’ फेम्ड निर्देशक रामबाबु गुरुङको निर्देशन रहेको फिल्म ‘डिग्री माइला : एमए थर्ड क्लास’को फर्स्टलुक पोस्टर सार्वजनिक गरिएको छ । पोस्टरमा अभिनेता दयाहाङ राई ‘क्यारेक्टर लुक्स’मा प्रस्तुत छन् । गेटअपबाट उनलाई शिक्षित व्यक्तिको रुपमा चित्रण गर्न खोजिएको देखिन्छ । कोट लगाएका उनको आँखामा ठूलो चश्मा छ । उनी गम्भीर र सोचनीय भावमा देखिएका छन् ।
चन्द्र पन्तले निर्देशन सम्हालेको फिल्म ‘ह्रस्व दीर्घ’मा नेपाली र भारतीय कलाकारको लाइनअप शक्तिशाली देखिएको छ । एकातिर फिल्ममा साउथका नामी कलाकारहरु ब्रह्मानन्दम, अली, प्रदीप रावत, सुनिल वर्माको टोली छ भने अर्कोतिर नीता ढुंगाना, हरिहर अधिकारी, विपना थापा, गरिमा शर्मा, सरोज खनाल, सञ्चिता लुईँटेल, प्रशान्त ताम्राकारजस्ता नेपाली कलाकारहरुको ‘पल्टन’ छ ।
गत मंसिर २९ गतेबाट प्रदर्शनमा आएको उदय सुब्बाद्वारा निर्देशित फिल्म ‘दुई कदम’को अब विदेश प्रदर्शन थालिने भएको छ । फिल्मको पहिलो विदेश प्रदर्शन हङकङमा हुनेछ । अंग्रेजी नयाँ वर्ष २०२३ को छेको पारेर यही ३१ डिसेम्बर अर्थात् पुष १५ गते हङकङमा फिल्मको प्रिमियर गर्न लागिएको हो । प्रिमियरमा सहभागी हुन फिल्मका अभिनेता इओन लिम्बु हङकङ जानेछन् ।
अभिनेता तथा निर्देशक नीर शाहलाई नेपाली कांग्रेस बागमती प्रदेश समितिले राष्ट्रिय सभा निर्वाचनमा उम्मेदवार बनाउन सिफारिस गरेको छ । मंगलबारसम्म प्रदेश समितिमा राष्ट्रिय सभा सदस्यको उम्मेदवार हुन ९० जनाले नाम टिपाएका थिए । शाहले बुधबार अन्तिम दिन मात्र आफ्नो नाम टिपाएका हुन् । उनीसहित बागमती प्रदेशबाट ९१ जनाको नाम उम्मेदवारमा सिफारिस भएको छ ।
कुनै बेला नेपाली फिल्ममा गर्विलो उपस्थिति जनाएकी अभिनेत्री विपना थापा विवाह बन्धनमा बाँधिएर सन्तान भएपछि अभिनयबाट टाढा रहँदै आएकी थिइन् । उनले राम्रो फिल्मबाट कमब्याक गर्ने चाहना व्यक्त गरिरहेको भए पनि त्यो सम्भव हुन सकेको थिएन । अन्ततः करिब १३ वर्षपछि उनी फिल्ममा फर्किएकी छन् । फिल्म ‘ह्रस्व दीर्घ’बाट विपनाको कमब्याक सपना साकार भएको हो ।
सफल निर्माताको रुपमा चिनिएका रोज राणा नेपाली कांग्रेसको तर्फबाट लुम्बिनी प्रदेशको उद्योग तथा यातायात मन्त्री बनेका छन् । नेपाली फिल्मकर्मी मन्त्री भएको यो पहिलोपटक हो । यसैले उनी मन्त्री भएकोमा फिल्म क्षेत्र हर्षित देखिन्छ । तर, नग्न डान्सबार चलाएर मानव बेचबिखनको मुद्धामा पक्राउ परेको व्यक्तिलाई मन्त्री बनाएको भन्दै सामाजिक सञ्जालमा चर्को विरोध भैरहेको छ ।
