Nepal's No.1 Filmy Web Magazine

आगामी माघ २६ गते रिलिज हुने नेपाली फिल्म ‘दयारानी’को 'चोरी चोरी' बोलको गीत रिलिज भएको छ ।  नयाँ वर्षको अवसर पारेर इन्टरनेटमा रिलिज गरिएको यस गीतमा अभिनेता दयाहाङ राई र अभिनेत्री दिया पुनको अभिनय छ ।

अभिनेता सौगात मल्ल आफ्ना फिल्मको प्रचारमा उत्तिधेरै मिहिनेत गर्दैनन् । फिल्मका एकाध कार्यक्रम र मिडिया भेटघाटमा मात्र उनी सीमित रहन्छन् । तर, आगामी माघ २६ गतेदेखि प्रदर्शनमा आउन लागेको फिल्म ‘हात्तीछाप’को प्रचारका लागि भने उनी महोत्सव समेत धाइरहेका छन् । फिल्मको मुनाफाको हिस्सेदारीमा रहेकाले उनी फिल्मको प्रचारमा गम्भीर देखिएको बताइन्छ ।

लेखक तथा निर्देशक सौरभ चौधरीको महत्त्वाकाङ्क्षी फिल्म ‘द अन ब्रेकेबल अगस्त्य: च्याप्टर १’को फस्ट लुक रिलिज गरिएको छ । योसँगै यसको प्रदर्शन मिति घोषणा गरिएको छ ।

निर्माता सन्तोष सेन आफ्नो नयाँ फिल्म ‘बलिदान’मा कलाकारको ‘लाइनअप’ बलियो बनाउने कसरतमा छन् । अभिनेताद्वय सौगात मल्ल र अर्पण थापा मुख्य भूमिकामा अनुबन्धित भैसकेको फिल्ममा अब ‘एक्सन स्टार’ विराज भट्टको प्रवेश हुने सम्भावना बढेको छ । टिजर रिलिजपछि फिल्ममा उनको सर्वाधिक माग भएको थियो । अब निर्माण टिमले उनीसँग छलफल अगाडि बढाएको छ ।

एउटा चर्चित गीत छ, ‘४० कटेसी रमाउला ।’ उमेरले ४० पछिको अंक ऊर्जावान् समय हो । यो उमेरमा मानिसहरु आफ्नो हरेक इच्छा-चाहना पूरा गर्न चाहन्छन् र यसका लागि हरसम्भव प्रयास गर्छन् । सन्तोष अधिकारीले पनि ४० कटेपछि आफूभित्र वर्षौंदेखि हुर्किरहेको हिरो बन्ने चाहना पूरा गरेका छन् । उनको पहिलो फिल्म ‘चित्रा’ यही पुष २७ गतेबाट सार्वजनिक प्रदर्शनमा आउँदैछ ।

कोरोना महामारीपछि नेपाली फिल्मका धेरै कलाकारहरुले वैकल्पिक पेशाको रुपमा विभिन्न व्यवसाय सुरु गरेका छन् । प्रायःको रोजाईमा भने रेस्टुरेन्ट व्यवसाय परेको छ । यसबीच, नयाँ छिमलका चल्तीका अभिनेता प्रदीप खड्का पनि रेस्टुरेन्ट मालिक बनेका छन् । अंग्रेजी नयाँ वर्षको अवसर पारेर काठमाडौंस्थित गैरीधारामा उनले ‘प्याराडाइज गार्डेन रेस्टुरेन्ट’ सञ्चालनमा ल्याएका हुन् ।