Nepal's No.1 Filmy Web Magazine
फिल्मको हिरो बन्ने सपना र संघर्षको कथामा आधारित फिल्म ‘कुमुदे हिँड्यो हिरो बन्न’को छायांकन सकिएको छ । यसै साता फिल्मको सम्पूर्ण छायांकन पूरा गरेर बुधबारदेखि सम्पादन प्रक्रिया सुरु गरिएको छ । सन्देश शाहले सम्पादन गर्ने यो फिल्मलाई साहित्यकार तथा गीतकार जानकी पन्तले निर्देशन गरेकी हुन् । उनको यो पहिलो निर्देशकीय फिल्म हो ।
बलिउड अभिनेत्री भूमि पेडनेकरले डेब्यु फिल्म ‘दम लगा के हईशा’मार्फत स्टेरियोटाइप तोड्ने हिम्मत देखाएकी थिइन् । यसमा उनले प्लस-साइज महिलाको भूमिका निभाएकी थिइन्, जुन बलिउडको सौन्दर्य मानकभन्दा धेरै टाढा थियो । यो फिल्मपछि उनले शारीरिक रूपान्तरणसँगै आत्मविश्वास पनि हासिल गरिन् । तर, बडी इमेजसँगको लडाइँ भने कहिल्यै नसकिने उनको अनुभव छ ।
नेपालको पहिलो साइन्स फिक्सन फिल्म ‘एक्लो : वान’को पहिलो गीत ‘एक्लै बाँच्नु खुरु खुरु’ सार्वजनिक गरिएको छ । आगामी पुष १७ गतेलाई प्रदर्शन मिति तय गर्दै मंगलबार सार्वजनिक गरिएको यस गीतमा फिल्मकी मुख्य अभिनेत्री कविता नेपालीले आकर्षक नृत्य प्रस्तुत गरेकी छन् । भिडियोमा उनीसँगै सागर राना पनि देखिएका छन् ।
पछिल्लो समय नेपाली फिल्मका गीतहरू अपेक्षित रूपमा नचलिरहेका बेला नयाँ फिल्म ‘वरिष्ठ बलराम’को गीत ‘न्याउली वनैमा’ छोटो समयमै दर्शकमाझ लोकप्रिय बनेको छ । दुई हप्ताअघि सार्वजनिक गरिएको यो गीत यतिबेला सामाजिक सञ्जालमा एकछत्र छाएको छ । गीतमा हजारौं टिकटक बनिसकेका छन् भने युट्युबमा पनि भ्यूज दिनप्रतिदिन बढ्दै गएको छ ।
फिल्म रिलिजका लागि दशैं सबैभन्दा उपयुक्त समय मानिन्छ । लामो विदा र दर्शकहरू ‘फेस्टिभ मुड’मा हुने भएकाले दशैंमा राम्रो कमाइ हुन्छ भन्ने विश्वास निर्माताहरूमा छ । यही कारण वर्षेनि दशैंमा फिल्म रिलिज गर्न ठूलै रस्साकस्सी हुने गर्छ । केही वर्षयता दशैंको अवसरमा दुईभन्दा बढी फिल्म रिलिज हुँदै आइरहेका छन् । यस वर्षको दशैंमा पनि तीनवटा फिल्म एकैसाथ रिलिज भए ।
कलाकार विल्सन विक्रम राई (तक्मे बुढा)को लेखन तथा निर्देशनमा बनेको फिल्म ‘मैझारो’को ट्रेलर सार्वजनिक गरिएको छ । झन्डै चार मिनेट लामो ट्रेलरले फिल्मको कथावस्तु, परिवेश र पात्रको संघर्षलाई देखाएको छ । अभिनेता धीरज मगर र अभिनेत्री मिरुना मगरलाई केन्द्रमा राखिएको ट्रेलरमा प्रेम प्राप्तिका लागि गरेको संघर्षलाई प्रमुख कथावस्तुको रूपमा चित्रण गरिएको छ ।
