Nepal's No.1 Filmy Web Magazine
अभिनेत्री रीमा विश्वकर्मा देशको समसामयिक विषयलाई लिएर सामाजिक सञ्जालमा आफ्नो धारणा राखिरहेकी हुन्छिन् । जेनजी आन्दोलनपछि उनले लेखेका केही स्टाटस निकै चर्चामा पनि रहे । केही दिनअघि उनले एमालेका नेता महेश बस्नेतलाई नेता हो कि गुन्डा भन्दै लेखेको स्टाटसले ठूलै चर्चा पाएको थियो । यसको जवाफमा महेशले भने जातीय विभेदको विषय उठाएका थिए ।
चर्चित कमेडी शो ‘कमेडी दरबार’को समूहले पहिलो पटक निर्माण गर्न लागेको फिल्म ‘ककाकिकी’को छायांकन सुरु भएको छ । बिहीबार पर्वतको भूकदेउरालीमा स्क्रिप्ट, क्यामेरा र क्ल्याप पूजा गरेपछि फिल्मको छायांकन सुरू गरिएको हो । ३५ दिनको तालिकामा २० दिन पर्वतमा र १५ दिन काठमाडौंमा छायांकन हुने जनाइएको छ ।
आगामी कात्तिक ६ गतेबाट प्रदर्शन हुन लागेको फिल्म ‘वरिष्ठ बलराम’को ट्रेलर सार्वजनिक गरिएको छ । बिहीबार काठमाडौंमा एक कार्यक्रमको आयोजना गर्दै दर्शकमाझ ल्याइएको झन्डै चार मिनेट लामो ट्रेलरले फिल्मको कथावस्तु र केन्द्रीय द्वन्द्वबारे प्रकाश पारेको छ । फिल्मले खोलाको ढुंगा र बालुवालाई लिएर उत्पन्न हुने विवादलाई मुख्य विषय बनाएको देखिन्छ ।
यसपालिको दशैंको फूलपाती (१३ असोज)देखि प्रदर्शनमा आएका तीन फिल्म ‘बलिदान’, ‘माइतीघर’ र ‘हरिबहादुर’को ८ दिनको व्यापारिक आँकडा सार्वजनिक भएको छ । बुधबार चलचित्र विकास बोर्डले असोज १३ गतेदेखि २० गते साँझ ११ः५५ बजेसम्मको बक्स अफिस रिपोर्ट सार्वजनिक गरेको हो । ८ दिनमा तीन फिल्मले ९ करोडभन्दा बढीको ग्रस कमाइ गरेका छन् ।
हिट सिरिज ‘कबड्डी’देखि ‘जारी’सम्मका चर्चित जोडी हुन्, दयाहाङ राई र विजय बराल । ‘कबड्डी’ श्रृंखलामा काजी र बिकेका रूपमा उनीहरूको केमेस्ट्री दर्शकले निकै रुचाएका थिए । तर, दयाहाङसँगका प्रायः फिल्ममा विजय सहायक भूमिकामा मात्र देखिएका छन् । कात्तिक ६ गतेदेखि प्रदर्शन हुन लागेको नयाँ फिल्म ‘वरिष्ठ बलराम’मा भने उनीहरू दुवै मुख्य भूमिकामा छन् ।
अभिनेता तथा नेपाल एयरलाइन्सका सिनियर क्याप्टेन विजय लामाले फिल्म ‘बलिदान’बाट आफू गहिरो रूपमा प्रभावित भएको बताएका छन् । सोमबार ललितपुरको लबिम मलस्थित क्यूएफएक्स हलमा फिल्म हेरेपछि उनले यसको मेकिङ र प्रस्तुतिको खुलेर प्रशंसा गरे । ‘बलिदान’ले नेपाली फिल्म उद्योगको स्तरलाई नै नयाँ उचाइमा पुर्याएको उनले बताए ।
