Nepal's No.1 Filmy Web Magazine

‘छड्के’का निर्देशक निगम श्रेष्ठको लेखन तथा निर्देशनमा बनेको फिल्म ‘भाइरल गोर्खे’ माघे संक्रान्तिको दिनदेखि प्रदर्शनमा आउने भएको छ । तिहारको अवसर पारेर सोमबार निर्माण पक्षले फिल्मको नयाँ पोस्टर सार्वजनिक गर्दै माघ १ गतेलाई प्रदर्शन मिति तय गरेको हो । यो मितिमा अन्य दुई फिल्म ‘गोबर गणेश’ र ‘मिरमिरे’ पनि प्रदर्शनमा आउँदैछन् ।

अभिनेता द्वय दयाहाङ राई र विजय बरालले धेरै फिल्ममा सहकार्य गरिसकेका छन् । त्यसमध्ये ‘कबड्डी’ श्रृंखलामा उनीहरूको केमेस्ट्री निकै रूचाइयो । प्रायः फिल्ममा साथीको भूमिकामा देखिएका उनीहरू नयाँ फिल्म ‘वरिष्ठ बलराम’मा भने प्रतिद्वन्द्वीको रूपमा प्रस्तुत भएका छन् । यसमा दयाहाङले ठेकेदारको भूमिकामा निभाएका छन् भने उनलाई चुनौती दिने पात्रमा विजय छन् ।

शोभित बस्नेतको निर्देशनमा बनेको फिल्म ‘पीआर’ आगामी मंसिर २६ गतेबाट प्रदर्शनमा आउने भएको छ । निर्माण पक्षले काग तिहारको अवसर पारेर आइतबार फिल्मको प्रदर्शन मिति घोषणा गरेका हुन् । गत अगस्टमा अष्ट्रेलियाका मेलबर्न, ब्रिसबेन, सिड्नी, न्यूक्यासल लगायतका सहरमा फिल्मको विशेष प्रदर्शन भइसकेको छ ।

अभिनयमा पारंगत मानिने कलाकार नीर शाहले आफ्नो ६ दशक लामो करिअरमा लोभीदेखि दयालु, धनाड्यदेखि प्रहरीसम्मका विभिन्न भूमिकामा जीवन्त अभिनय गरेका छन् । अब उनी नयाँ फिल्म ‘परान’मा बाबुको भूमिकामा देखिँदैछन् । भूमिका बुबाको भए पनि उनी फिल्मका मुख्य पात्र हुन्। अर्थात् कथाको केन्द्रमा नै उनी छन् । यो फिल्म कात्तिक १४ गतेबाट प्रदर्शनमा आउँदैछ ।

आगामी फागुन १ गतेबाट प्रदर्शनमा आउन लागेको फिल्म ‘कल्ली’को तिहारको अवसरमा आइतबार तीनवटा नयाँ पोस्टर सार्वजनिक गरिएको छ । लक्ष्मण सुनारको कथा तथा निर्देशनमा बनेको यस फिल्मको पोस्टरले पात्रहरूको चरित्रचित्रण र कथावस्तुबारे संकेत गर्छ । तीन पोस्टरमा तनाव, क्रोध र पीडाको मिश्रण छ । 

अभिनेता निखिल उप्रेती र अभिनेत्री वर्षा सिवाकोटीले पहिलो पटक फिल्ममा सहकार्य गर्ने भएका छन् । फिल्म ‘कस्तुरी’मा उनीहरूको जोडी बाँधिन लागेको हो । तिहारको अवसर पारेर आइतबार निर्माण घोषणा गरिएको यो फिल्मलाई ऋत बोहोराले निर्देशन गर्नेछन् । उनले यही फिल्मबाट निर्देशनमा डेब्यु गर्न लागेका हुन् । यसमा उनी स्वयंको कथा छ ।