Nepal's No.1 Filmy Web Magazine
फिल्म ‘फर्की फर्की’बाट डेब्यु गरेकी अभिनेत्री समृद्धि अर्यालको दोस्रो फिल्म ‘वरिष्ठ बलराम’ भाइटीकाको दिन पारेर आगामी कात्तिक ६ गतेबाट प्रदर्शनमा आउँदैछ । यसमा उनको जोडी अभिनेता विजय बरालसँग बाँधिएको छ । ट्रेलर हेर्दा फिल्ममा उनी रिसाहा स्वभावकी युवतीको भूमिकामा रहेको अनुमान गर्न सकिन्छ । ट्रेलरमा उनले विजयलाई थप्पड हानेको दृश्य समेत छ ।
पछिल्ला वर्षहरूमा फिल्मको निर्माण लागत असामान्य रूपमा बढेको छ । केही वर्षअघिसम्म ५०/६० लाखमा फिल्म नै बन्थ्यो । अहिले स्थापित कलाकारलाई लिएर फिल्म बनाउँदा ५ करोडले पनि नपुग्ने अवस्था आएको छ । लागत बढेसँगै निर्माताहरूलाई लगानी उठाउनै हम्मे-हम्मे परेको छ । यसैले लामो समयदेखि फिल्मको निर्माण लागत घटाउनुपर्ने विषयमा बहस हुँदै आएको छ ।
अभिनेता राजेश हमालको जीवन, सिनेमा र समाजका विविध आयाम समेटिएको पुस्तक ‘युगदेखि युगसम्म’ सार्वजनिक गरिएको छ । शनिबार काठमाडौंको कमलादीस्थित नेपाल प्रज्ञा प्रतिष्ठानको डबलीमा आयोजित एक कार्यक्रमका बीच हमालसहित उनकी पत्नी मधु भट्टराई, साहित्यकार बुद्धिसागर र लेखक यज्ञशले संयुक्त रुपमा पुस्तक लोकार्पण गरेका हुन् ।
काभ्रे जिल्लाको बनेपामा निर्माण भइरहेको अत्याधुनिक फिल्म छायांकन स्टुडियो ‘सिनेपाः’का लागि सरकारले ३ करोड रुपैयाँ अनुदान बजेट उपलब्ध गराउने भएको छ । शुक्रबार सूचना तथा सञ्चार प्रविधि मन्त्रालयका योजना, अनुगमन तथा मूल्याङ्कन शाखाका उपसचिव रामकृष्ण अर्याल र चलचित्र विकास बोर्डका अध्यक्ष दिनेश डीसीबीच यस सम्बन्धी सम्झौता भएको हो ।
भाइटीकाको दिन पारेर आगामी कात्तिक ६ गतेबाट प्रदर्शन हुन लागेको फिल्म ‘सोल्टिनी’को नयाँ गीत ‘नौलाखे तारा’ सार्वजनिक गरिएको छ । लिरिकल शैलीमा तयार पारिएको यस गीतमा झुमा लिम्बू, सुनिता थेगिम र प्रशान्त सिवाकोटीको स्वर रहेको छ भने शब्द तथा संगीत निर्देशन प्रशान्त स्वयंको हो । संगीत संयोजन देवेश राईले गरेका छन् ।
तिहारको छेको पारेर यही असोज ३१ गतेबाट प्रदर्शन हुन लागेको फिल्म ‘जेरी अन टप’को ट्रेलर सार्वजनिक गरिएको छ । बिहीबार काठमाडौंमा एक कार्यक्रमको आयोजना गर्दै दर्शकमाझ ल्याइएको झन्डै चार मिनेट लामो ट्रेलरमा सगरमाथा आरोहण र त्रिकोणात्मक प्रेमकथालाई मुख्य विषयवस्तुको रूपमा प्रस्तुत गरिएको छ । ट्रेलरमा फिल्मको उच्च मेकिङ देखिन्छ ।
