Nepal's No.1 Filmy Web Magazine
वसन्त निरौलाको निर्देशनमा बन्न लागेको नयाँ फिल्म ‘पाँच पाण्डव’को शुभमुहूर्त गरिएको छ । मंगलबार बिहान काठमाडौंको कमलादीस्थित गणेश मन्दिरमा शुभमुहूर्त गर्दै फिल्मका कलाकारहरूलाई पनि चिनाइयो । यसमा हरिवंश आचार्य, सीताराम कट्टेल (धुर्मुस), जितु नेपाल (मुन्द्रे), सागर लम्साल (बले), दीपाश्री निरौला र रजनी गुरुङको मुख्य भूमिका रहनेछ ।
स्वर्गीय निर्देशक शिव रेग्मीकी भान्जी एकता पौडेलको डेब्यु निर्देशनमा बनेको फिल्म ‘हर्ष’को ट्रेलर सार्वजनिक गरिएको छ । मंगलबार काठमाडौंमा एक कार्यक्रमको आयोजना गर्दै दर्शकमाझ ल्याइएको तीन मिनेट लामो ट्रेलरले वंश (उत्तराधिकारी)को विषयलाई केन्द्रमा राख्दै पारिवारिक सम्बन्धका भावनात्मक उतारचढावलाई मार्मिक रूपमा प्रस्तुत गरेको छ ।
‘केजीएफ’ स्टार यश चार वर्षपछि नयाँ फिल्म ‘टक्सिक’मार्फत पुनः पर्दामा फर्किँदैछन् । १९ मार्च २०२६ मा रिलिज हुन लागेको यो फिल्मले भारतीय बक्स अफिसमा नयाँ रेकर्ड बनाउने अपेक्षा गरिएको छ । फिल्मप्रतिको उच्च उत्साहका कारण यसले आगामी वर्षको रिलिज क्यालेन्डरमा समेत प्रभाव पारेको छ । मार्च र अप्रिलमा तय केही फिल्महरू स्थगित भइरहेका छन् ।
यसपालिको दशैं र तिहारमा प्रदर्शन भएका सात फिल्मले घरेलु बक्स अफिसमा गरेको व्यापार सार्वजनिक भएको छ । चलचित्र विकास बोर्डले सोमबार सार्वजनिक गरेको कात्तिक १५ गतेसम्मको तथ्यांकमा सबैभन्दा धेरै कमाइ फिल्म ‘जेरी अन टप’ले गरेको देखिन्छ । यसले ३ लाख ३३ हजार ६०५ वटा टिकट बिक्री गर्दै १० करोड ५१ लाख ४८ हजार कमाएको छ ।
बाबु-छोराको भावनात्मक सम्बन्धमा आधारित फिल्म ‘परान’ले व्यापारमा सुधारका लागि बक्स अफिसमा संघर्ष गरिरहेको छ । आइतबारसम्म व्यापारिक रूपमा अपेक्षित परिणाम नदेखिए पनि फिल्मले भावनात्मक कथावस्तुका कारण दर्शकको मन जित्न सफल भएको छ । हलमा फिल्म हेर्न पुगेका धेरैजसो दर्शकको आँखामा आँसु देखिनुले यसको भावनात्मक प्रभावलाई दशाउँछ ।
आगामी मंसिर २६ गतेबाट प्रदर्शनमा आउन लागेको फिल्म ‘पीआर’मा समावेश गीत ‘टाटा बाइ बाइ’ सार्वजनिक गरिएको छ । टेक बी.सी. र प्रीती घिमिरेको युगल गायन रहेको यस गीतमा भिम बी.सी.को शब्द तथा संगीत छ । गीतले वर्तमान समयमा हुने छोटो प्रेम सम्बन्धप्रति व्यंग्य गर्दै उमेर ढल्किएका जोडीले एकअर्काप्रति गरेको कटाक्षलाई प्रस्तुत गरेको छ ।
