Nepal's No.1 Filmy Web Magazine
करिब चार वर्षपछि सार्वजनिक भएको चर्चित गीत हो, ‘रेलको बाटो’ । कर्णाली र सहरको अवस्थालाई तुलना गरिएको यो गीतलाई युट्युबमा ९० लाख बढीले हेरिसकेका छन् । अब उक्त गीतको नाममा फिल्म बन्ने भएको छ । सोही गीतका निर्देशक लक्ष्मण सुनारको निर्देशनमा ‘रेलको बाटो’ बन्न लागेको हो । बिहीबार थिम पोस्टर सार्वजनिक गर्दै फिल्म निर्माणको घोषणा गरियो ।
हास्य टेलिभिजन सिरियल ‘सक्किगोनि’का कलाकार कुमार कट्टेल (जिग्री)पछि अब सोही सिरियलका अर्का चर्चित कलाकार अर्जुन घिमिरे (पाँडे)ले पनि फिल्म निर्देशन गर्ने भएका छन् । उनले ‘झरीपछिको इन्द्रेणी’बाट फिल्म निर्देशनमा डेब्यु गर्न लागेका हुन् । यो फिल्मको बिहीबार ललितपुरको धन्वन्तरी बाराही मन्दिरमा शुभ-मुहूर्त गर्दै छायांकन पनि सुरु गरिएको छ ।
बलिउडका चर्चित अभिनेता चंकी पाण्डे यसै साता काठमाडौं घुमेर स्वदेश फर्किए । बौद्धस्थित पाँचतारे होटल हयात रिजेन्सीमा दुई दिन बसेका उनले आइतबार धार्मिक स्थल पशुपतिनाथ मन्दिरमा पूजाआजा समेत गरेका थिए । उनले त्यहाँ खिचेका केही तस्वीरहरू इन्स्टाग्राममा सेअर गर्दै लेखेका थिए, ‘साउन महिनामा पशुपतिनाथ मन्दिर दर्शन गर्न पाउँदा भाग्यमानी महसुस भयो ।’
कुनै समय कलाकार गणेश उप्रेतीले नेपाली फिल्ममा बलियो उपस्थिति जनाएका थिए । आफ्नो सक्रिय करिअरमा झन्डै एक सय फिल्ममा काम गरेका उनी कुनैमा बुबाको भूमिकामा देखिए त कुनैमा नकारात्मक भूमिकामा प्रस्तुत भए । फिल्ममा उनको राम्रै करिअर थियो । तर, केही वर्षअघि अमेरिका गएर त्यहीँ बसोबास गर्न थालेपछि उनको अविच्छिन्न अभिनय यात्रामा विश्राम लाग्यो ।
बलिउड सुपरस्टार आमिर खानको पछिल्लो फिल्म ‘सितारे जमीन पर’ले विश्वव्यापी सुखद कमाइ गर्यो । भारतमा मात्र फिल्मले १६४ करोड कमाएको छ । हलमा रिलिज हुनुभन्दा अघि यो फिल्मको डिजिटल अधिकार खरिद गर्न केही विश्वप्रख्यात ओटीटी प्लाटफर्मले प्रयास गरेका थिए । नेटफ्लिक्सले भारु १ सय २५ करोडको अफर समेत दिएको थियो । तर, आमिरले फिल्म बेचेनन् ।
एउटा फिल्मले कलाकारको करिअर कुन हदसम्म कायापलट गर्न सक्छ भन्ने उदाहरण हुन्, महेश त्रिपाठी । गत फागुनमा रिलिज भएको फिल्म ‘लाज शरणम्’मा उनले कर्णाली भेगको एक दु:खी पात्रको भूमिकामा गरेको अभिनयको सर्वत्र प्रशंसा हुँदा उनको करिअर नै नयाँ उचाइँमा पुगेको छ । यसअघि मुस्किलले फिल्म पाउने गरेका उनलाई अहिले फिल्म अफरको ओइरो लागेको छ ।
