Nepal's No.1 Filmy Web Magazine
यही साउन १६ गतेदेखि प्रदर्शनको तयारीमा रहेको फिल्म ‘रियाल रिङ्गेट’को नयाँ गीत ‘आमा’ सार्वजनिक गरिएको छ । रामचन्द्र काफ्लेको स्वर तथा संगीत र अमर न्यौपानेको शब्द रहेको गीतले रोजगारीका लागि खाडी मुलुक गएका नेपाली युवाहरूको पीडा र उनीहरूको मनोदशालाई मार्मिक ढंगले प्रस्तुत गरेको छ ।
‘झ्यानाकुटी’ जोडी सौगात मल्ल र बेनिशा हमालले दोस्रो पटक सहकार्य गरेको फिल्म ‘सिटामोल’ जनै पूर्णिमाको छेको पारेर साउन २३ गतेबाट प्रदर्शनमा आउँदैछ । जुम्लाको कथा-व्यथामा आधारित रहेको फिल्मको टिजरदेखि गीतले दर्शकमा गहिरो प्रभाव छाडिसकेको छ । यस्तैमा चार दिनअघि सार्वजनिक ट्रेलरलाई पनि युट्युबमा उत्साहजनक प्रतिक्रिया मिलेको छ ।
हरितालिका तीजको छेको पारेर आगामी भदौ ६ गतेबाट प्रदर्शनमा आउने तयारीमा रहेको फिल्म ‘जनै हराएको मान्छे: सम्बन्धका धागाहरू’को दोस्रो गीत सार्वजनिक गरिएको छ । ‘मसुरीको दाना’ बोलको गीतमा अञ्जु पन्त र एसडी योगीको गायन, हर्क साउदको शब्द तथा एसडी योगीको संगीत रहेको छ । गीतमा प्रेममा रहेका जोडीहरूको भावना व्यक्त छ ।
फिल्मलाई व्यावसायिक सफलता दिलाउन गीतसंगीतले ठूलो भूमिका खेल्ने गरेका छन् । पछिल्लो रिलिज फिल्म ‘ऊनको स्वीटर’ यसको ताजा उदाहरण हो । यो फिल्म गीतकै कारण सफल भएको मानिन्छ । तर, यसपछि प्रदर्शनका आएका कुनै फिल्मका गीत अपेक्षित चल्न सकेनन् । लगभग दुई महिनापश्चात यतिबेला एउटा फिल्मको गीत चर्चामा छ, ‘माग्ने राजा’को ‘सुतेर उठेको पैसामा’ ।
अष्ट्रेलियन पीआर (स्थायी बसोबास अनुमति)का लागि नेपाली विद्यार्थीहरुले गर्ने संघर्षको कथामा आधारित भएर बनेको फिल्म ‘पीआर’को अष्ट्रेलियाका दुई सहरमा प्रिमियर गरिने भएको छ । निर्माण पक्षले आगामी अगस्टमा सिड्नी र न्यू क्यासल सहरमा फिल्मको रेड कार्पेट प्रिमियर आयोजना गर्न लागेको हो ।
क्याप्टेन तथा सञ्चार उद्यमी रामेश्वर थापाको जीवनकथामा आधारित फिल्म ‘क्याप्टेन साब’को छायांकन सुरु गरिएको छ । शनिबार काभ्रेपलाञ्चोक जिल्लाको बेथानचोक गाउँपालिका ढुंखर्कबाट फिल्मका लागि दृश्य खिच्न थालिएको हो । एक महिनाको सेड्युलमा काभ्रेसँगै काठमाडौं, चितवन, र वीरगञ्जमा फिल्मको छायांकन गरिने निर्देशक दीपेन्द्र के. खनालले जानकारी दिए ।
