Nepal's No.1 Filmy Web Magazine
आगामी नयाँ वर्ष २०८२ लाई लक्षित गरेर चैत २९ गतेलाई प्रदर्शन मिति घोषणा गरिएका तीन एक्सन फिल्ममध्ये ‘नरसिंहा अवतार’ प्रतिस्पर्धाबाट पछाडि हटेको छ । प्राविधिक काम नसकिएकाले पूर्वनिर्धारित मितिमा फिल्म नआउने निर्देशक दीवाकर भट्टराईले जानकारी दिए । फिल्मको नयाँ प्रदर्शन मिति भने तय भएको छैन । तर, आगामी जेठमा रिलिजको तयारी भइरहेको उनले बताए ।
अभिनेत्री वर्षा राउतको मुख्य भूमिका रहेको फिल्म ‘हिउँको गीत’को मोसन पोस्टर सार्वजनिक भएको छ । फिल्मका पाँच प्रमुख कलाकारलाई समेटिएको पोस्टरले फिल्मको विषयवस्तुलाई विम्बात्मक रुपमा प्रस्तुत गरेको छ । औँठाछापको पृष्ठभूमिमा तयार पारिएको पोस्टरले विस्थापनको कथासँगै कलाकारहरुको उदास भावमार्फत् चरित्रको अनन्त प्रतीक्षाको नियतिलाई संकेत गर्छ ।
मिस नेपाल भएपछि फिल्म ‘साङ्लो’बाट अभिनय करिअर सुरू गरेकी अभिनेत्री निकिता चाण्डकका लागि यस वर्ष एकदमै विशेष बनेको छ । त्यसको पछाडि दुईवटा कारण छन् । पहिलो, उनी अभिनीत फिल्म ‘राजागंज’ गत बिहीबारदेखि प्रदर्शनरत छ, जसमा उनको अभिनयलाई लिएर प्रशंसा भइरहेको छ । दोस्रो, गत फेब्रुअरीदेखि उनले पहिलो भारतीय प्रोजेक्टमा काम गरिरहेकी छन् ।
आगामी बैशाख १२ गतेबाट प्रदर्शनमा आउने तयारीमा रहेको फिल्म ‘खेल’को दोस्रो चरणको पोस्टर सार्वजनिक गरिएको छ । फिल्मका प्रमुख कलाकारहरू सुरक्षा पन्त, मोनिका थापा, हेना नगरकोटी, निकिता आचार्य, समापिका गौतम, मिथिला शर्मा, सरिता गिरी र भोलाराज सापकोटालाई समेटिएको पोस्टरमा सबैलाई गम्भीर भावमा देख्न सकिन्छ ।
गत बिहीबार अर्थात् होलीको दिनबाट प्रदर्शनमा आएको फिल्म ‘अञ्जिला’ले बक्स अफिसमा सुखद् व्यापार गरिरहेको छ । शनिबार व्यापारमा उछाल कायम गरेको फिल्मले आइतबारबाट कामकाजी दिनमा पनि दर्शकको राम्रो साथ पाएको छ । प्रतिक्रिया उस्तै उत्साहजनक मिलेको छ । दर्शकहरू फिल्म हेरेर रुँदै निस्किरहेका छन् भने रोएका भिडियोहरू टिकटकमा भाइरल बनेका छन् ।
नेपालमा फिल्मले ‘एडल्ट’ सर्टिफिकेट पाउनु व्यापारिक दृष्टिकोणले जोखिमपूर्ण मानिन्छ । १६ वर्षमुनिकाले हेर्नै नपाउने भएकाले त्यसको असर व्यापारमा पुग्ने गरेको छ । यसैले मेकरहरु बरु दृश्य काट्न तयार हुन्छन् तर ‘एडल्ट’ सर्टिफिकेट लिन चाहँदैनन् । यही चैत ८ गतेबाट प्रदर्शन हुन लागेको फिल्म ‘११:५५’का निर्माताले भने दृश्य काँटछाँट नगरी ‘एडल्ट’ सर्टिफिकेट लिएका छन् ।
