Nepal's No.1 Filmy Web Magazine
पछिल्लो समय नेपाली फिल्मका निर्मातामाथि श्रृंखलाबद्ध रूपमा ठगीको आरोप लागिरहेको छ । केही महिनाअघि ‘रावायण’ फिल्मका कार्यकारी निर्माता सुसन पाठकले पाँचजना विद्यार्थीहरूलाई विदेश पढ्न पठाइदिने भन्दै ५० लाख बढी असुलेर फिल्ममा लगानी गरेको खुलासा भएको थियो । फिल्म ‘फ्लप’ भएपछि उनी फरार भएको भन्दै पीडित विद्यार्थीहरूले मिडिया गुहारेका थिए ।
यही साउन २३ गतेबाट प्रदर्शनमा आउने तयारीमा रहेको फिल्म ‘मोहर’को तेस्रो गीत ‘सपना हो कि विपना हो’ सार्वजनिक गरिएको छ । वियोगान्त भावको गीतमा गजल गायक थानेश्वर गौतम र लोक गायिका शान्तिश्री परियारको स्वर रहेको छ । यसअघि उनीहरुले सहकार्य गरेको फिल्म ‘अञ्जिला’को ‘रात किन हुन्छ’ गीत चर्चित भएको थियो ।
आगामी असोज ३ गते अर्थात् संविधान दिवसको विदामा एउटै समुदायको कथामा बनेका दुई फिल्मबीच भिडन्त हुने भएको छ । ती फिल्म हुन्, ‘सोल्टिनी’ र ‘जारी २’ । अर्जुन सुवेदीको निर्देशन रहेको ‘सोल्टिनी’ले ६ महिनाअघि नै असोज ३ गतेलाई प्रदर्शन मिति घोषणा गरेको थियो । ‘जारी २’को भने शुक्रबार तीनवटा पोस्टर सार्वजनिक गर्दै प्रदर्शन मितिबारे जानकारी गराइएको हो ।
यतिबेला छायांकनमा रहेको फिल्म ‘मिरमिरे’ माघे सङ्क्रान्तिको विदा पारेर आगामी माघ १ गतेबाट प्रदर्शनमा आउने भएको छ । शुक्रबार फिल्मकी मुख्य अभिनेत्री सिर्जना निङलेखुको जन्मदिनको अवसरमा निर्माण पक्षले प्रदर्शन मितिबारे जानकारी गराएको हो । वितरकसँगको सल्लाहमा फिल्मलाई माघ १ गते प्रदर्शन गर्न लागिएको निर्देशक यम शेर्पाले बताए ।
यसपालिको दशैंको फूलपाती अर्थात् असोज १३ गतेबाट प्रदर्शनमा आउन लागेका तीन नेपाली फिल्ममध्येको एक ‘माइतीघर’को पहिलो आधिकारिक पोस्टर सार्वजनिक गरिएको छ । मिलन तामाङको निर्देशनमा बनेको फिल्मको शुक्रबार सार्वजनिक पोस्टरले पात्रहरुको गेटअप, लुक्स र मुडलाई दर्शाएको छ ।
