Nepal's No.1 Filmy Web Magazine
नेपालमा मल्टीस्टारर फिल्म कमै बन्ने गरेका छन् । यसको पछाडि विभिन्न कारण छन् । सबैभन्दा ठूलो कारण कलाकारहरुबीचको ‘इगो’लाई मानिन्छ । यद्यपि, बेला बखतमा एउटै फिल्ममा ‘स्टार’ कलाकारहरुको जमघट देखिने गरेको छ । पछिल्लो पटक ‘पूजार सार्की’मा त्यो देखिएको थियो । अब यही चैत २९ गतेबाट प्रदर्शनमा आउन लागेको फिल्म ‘पिताम्बर’मा पनि स्टारहरुको जत्था छ ।
नयाँ वर्ष २०८२ को छेको पारेर चैत २९ गतेबाट प्रदर्शनमा आउन लागेको फिल्म ‘कर्मा’को पहिलो गीतको रुपमा ‘सारी लगाइदेऊ’ सार्वजनिक गरिएको छ । सलिना बि.कको स्वर रहेको गीतमा भाष्कर स्वाँरको संगीत, सुष्मा सिग्देलको शब्द तथा भाष्कर स्वाँर र सुवास पौडेलको संगीत संयोजन छ । मौलिक नेपाली शब्द प्रयोग गरिएको उक्त गीतलाई रत्यौली संस्कृतिमा तयार पारिएको छ ।
आगामी जेठ ३० गतेदेखि प्रदर्शनमा आउन लागेको निगम श्रेष्ठ निर्देशित फिल्म ‘भाइरल गोर्खे’को टिजर सार्वजनिक भएको छ । २ मिनेट लामो टिजरले फिल्म भाइरल मोहको कथामा बनेको प्रष्ट पार्छ । अरुको देखासिखी गर्दै टिकटकमा भाइरल हुन सौगातको पात्रले गर्ने विभिन्न क्रियाकलापलाई हास्य शैलीमा प्रस्तुत गरिएको छ । टिजरमा सौगातलाई ‘सुपरस्टार’को ट्याग पनि दिइएको छ ।
निर्देशक, निर्माता तथा कलाकार अशोक शर्माले फिल्म ‘रातो टीका निधारमा’बाट छोरा अंकित शर्मालाई अभिनेताको रुपमा डेब्यु गराए । अब उनकी छोरी कृति शर्माले पनि अभिनय करिअर सुरु गरेकी छन् । उनले म्यूजिक भिडियोबाट अभिनयमा डेब्यु गरेकी हुन् । उनी अभिनीत पहिलो म्यूजिक भिडियो ‘रिटिङ् र्याइँर्याइँ’ बिहीबार काठमाडौंमा एक कार्यक्रमका बीच सार्वजनिक गरियो ।
अभिनेता अनमोल केसीको करिअरको सफल फिल्म मानिन्छ, ‘जेरी’ । २०७१ सालमा प्रदर्शन भएको यो फिल्मले नेपालको पर्यटन प्रवर्द्धनमा समेत ठूलो भूमिका खेलेको छ । फिल्मको केही प्रतिशत छायांकन मुस्ताङमा गरिएको थियो भने ‘के यो माया हो’ गीत मुस्ताङकै मार्फा गाउँको भक्ति गल्लीमा खिचिएको थियो । जब फिल्म रिलिज भयो, त्यसपछि उक्त गल्लीको पहिचान नै फेरियो ।
गत माघदेखि हरेक साता हलमा नयाँ नेपाली फिल्म टुटेका छैनन् । एकै मितिमा दुई-तीनवटासम्म फिल्म रिलिज भैरहेका छन् । यो साता पनि दुई फिल्म ‘११:५५’ र ‘द्रोपदी’ प्रदर्शनमा आएका छन् । यी दुवै फरक कथावस्तुमा बनेका फिल्म हुन् । ‘११:५५’ क्राइम-थ्रिलर फिल्म हो । एउटा घरमा भएको ‘मर्डर’को कथामा फिल्म आधारित छ । ‘द्रोपदी’ले भने बहुपति प्रथाको कथा उठाएको छ ।
