Nepal's No.1 Filmy Web Magazine

अभिनेता सुवास थापाले अमेरिकामा पनि फिल्म निर्माणमा हात हालेका छन्। यसअघि नेपालमा रहंदा “बिर्खेलाई चिन्छस्” फिल्म निर्माण गरेका अभिनेता थापाले सर्ट फिल्म ‘फ्रेनीया’ निर्माण गरेका हुन्। 

तिहारको छेको पारेर आगामी असोज ३१ गतेबाट प्रदर्शनमा आउन लागेको फिल्म ‘जेरी अन टप’को छायांकन सुरु भएको ६ महिना बढी भइसकेको छ । तर, अझै छायांकन सकिएको छैन । यतिबेला फिल्मको टिम एक गीत खिच्न भारतको राजस्थानमा पर्ने प्रख्यात सहर जयपुर पुगेको छ । बुधबारबाट त्यहाँ रोमान्टिक गीत खिच्न थालिएको निर्माता सरोज न्यौपानेले जानकारी दिए ।

यसपालिको दशैंको फूलपाती अर्थात् असोज १३ गतेबाट प्रदर्शनमा आउन लागेको फिल्म ‘माइतीघर’को प्रचार अभियानलाई थप सशक्त बनाउन निर्माण पक्षले ठूलो पुरस्कार राशीको नृत्य प्रतिस्पर्धा घोषणा गरेको छ । आगामी भदौ पहिलो साता सार्वजनिक हुन लागेको फिल्ममा समावेश ‘वसन्त नै बस्न खोज्छ यहाँ लोलाएर’ गीतमा पाँच लाख राशीको प्रतिस्पर्धा घोषणा गरिएको हो ।

कलाकार केदार घिमिरेको पर्याय बनेको नाम हो, ‘माग्ने बुढा’ । ‘मेरी बाँस्सै’ सिरियलको उक्त पात्रले उनलाई दर्शकमाझ पहिचान दिलाएको थियो । अहिले उनी वास्तविक नामले भन्दा सिरियलकै पात्रले बढी चिनिन्छन् । सिरियल बन्द भएपछि फिल्ममा आएका उनलाई ‘माग्ने बुढा’ पात्रले भने छाडेको छैन । पहिलो फिल्म ‘६ एकान ६’मा उनी सोही पात्रको लवज र गेटअपमा देखिएका थिए ।

‘छक्का पञ्जा’ समूहले अर्को वर्ष मात्र नयाँ फिल्म बनाउने भएपछि दीपकराज गिरीबाहेक यो समूहका अन्य कलाकारहरुले बाहिरी ब्यानरका एकपछि अर्को फिल्ममा काम गरिरहेका छन् । केदार घिमिरे (माग्ने बुढा)ले गत वर्ष मात्र तीनवटा फिल्ममा अभिनय गरे । ‘छक्का पञ्जा’ श्रृंखलाकी निर्देशक तथा कलाकार दीपाश्री निरौलाले पनि लगातार फिल्ममा काम गरिरहेकी छन् । 

सञ्चारकर्मी लक्ष्मण सुवेदीको निर्देशनमा बनेको फिल्म ‘सतीदेवी’को अमेरिका प्रदर्शन तय भएको छ । हरितालिका तीजको अवसर पारेर आउँदो शनिबार अर्थात साउन ३१ गते (१६ अगस्ट) अमेरिकाको भर्जिनिया राज्यमा फिल्मको विशेष प्रदर्शनी हुन लागेको हो । विदेशमा ‘सतीदेवी’को प्रदर्शन यो पहिलो हुनेछ ।