Nepal's No.1 Filmy Web Magazine

फिल्ममा कम अभिनय गर्ने अभिनेत्रीमा पर्छिन्, आना शर्मा । फिल्म ‘जेरी’बाट अभिनय करिअर सुरु गरेकी उनले त्यसपछि ‘ग्याङस्टार ब्लुज’, ‘द म्यान फ्रम काठमाडौं’ र पछिल्लो रिलिज फिल्म ‘एक्टर’मा काम गरिन् । कहिलेकाहीँ म्यूजिक भिडियोमा समेत देखिने उनी अब नयाँ फिल्म ‘रमिताको पिरती’मा शीर्ष भूमिकामा देखिँदैछिन् । 

तेलुगू सुपरस्टार महेश बाबूलाई बक्स अफिसको ‘हिट मेशिन’ भन्ने गरिन्छ । कारण- उनले अभिनय गरेका प्रायः फिल्म व्यावसायिक रूपमा सफल छन् । तेलुगू फिल्ममा मात्रै काम गरे पनि उनको लोकप्रियता हिन्दी भाषी क्षेत्रमा पनि असाधारण देखिन्छ । यही कारण उनका प्रायः फिल्म हिन्दीमा डब गरिएका छन् । केही फिल्मको हिन्दी रिमेक समेत बनेका छन् ।

माघे संक्रान्तिको अवसर पारेर माघ १ गतेदेखि प्रदर्शनमा आउन लागेको फिल्म ‘मिरमिरे’को पोस्टर सार्वजनिक भएसँगै विदेशमा यसको माग बढ्न थालेको छ । यससँगै निर्माण पक्षले फिल्मको अन्तर्राष्ट्रिय प्रदर्शन अधिकार बिक्री सुरु गरेको छ । पहिलो चरणमा इजरायल, युएई, कतार, बहराइन, र मलेसियाका लागि फिल्मको प्रदर्शन अधिकार बिक्री गरिएको छ ।

शोभित बस्नेतको निर्देशनमा बनेको नयाँ फिल्म ‘पीआर’को विदेशमा माग बढ्न थालेको छ । टिजर र दुईवटा गीतले फिल्मप्रति दर्शकको चासो बढाउँदा विभिन्न देशबाट प्रदर्शन अधिकार खरिदका लागि प्रस्ताव आइरहेको निर्माण पक्षले जनाएको छ । फिल्मको पहिलो चरणमा भने अष्ट्रेलिया र न्यूजिल्याण्डका लागि प्रदर्शन अधिकार बिक्री गरिएको छ । 

अभिनेत्री पूजा शर्मा विवाह बन्धनमा बाँधिने भएकी छन् । यही मंसिर २० गते उनले प्रेमी युद्ध बानियाँसँग लगनगाँठो कस्न लागेकी हुन् । उनीहरूको विवाह भक्तपुरको साँगामा अवस्थित पाँचतारे होटल फर्च्युनमा हुनेछ । विवाह समारोहमा दुई पक्षका सीमित पारिवारिक सदस्य र फिल्मकर्मीको उपस्थिति रहने जनाइएको छ । 

लक्ष्मण रिजालको निर्देशनमा बनेको फिल्म ‘काजी’ नयाँ वर्ष २०८३ सालको छेकोमा प्रदर्शन हुने भएको छ । शुक्रबार निर्माण पक्षले फर्स्टलुक पोस्टर सार्वजनिक गर्दै आगामी चैत २७ गतेलाई फिल्मको प्रदर्शन मिति तय गरेको हो । यही मितिमा अन्य दुई फिल्म ‘राम नाम सत्य’ र ‘मितज्यू’ पनि प्रदर्शन हुँदैछन्, जसमा स्थापित कलाकारहरू छन् ।