Nepal's No.1 Filmy Web Magazine

लक्ष्मण रिजालको निर्देशनमा बनेको फिल्म ‘काजी’ नयाँ वर्ष २०८३ सालको छेकोमा प्रदर्शन हुने भएको छ । शुक्रबार निर्माण पक्षले फर्स्टलुक पोस्टर सार्वजनिक गर्दै आगामी चैत २७ गतेलाई फिल्मको प्रदर्शन मिति तय गरेको हो । यही मितिमा अन्य दुई फिल्म ‘राम नाम सत्य’ र ‘मितज्यू’ पनि प्रदर्शन हुँदैछन्, जसमा स्थापित कलाकारहरू छन् ।

विगत पाँच सातादेखि घरेलु बक्स अफिसमा फिल्म ‘परान’ले एकछत्र दबदबा कायम गरेको छ । ‘वर्ड अफ माउथ’को प्रभावले प्रदर्शनको पाँचौं दिनबाट व्यापारिक रफ्तार समातेको फिल्मले अहिलेसम्म १५ करोडको आँकडा पार गरिसकेको छ । फिल्मप्रति दर्शकको आकर्षण अझै घटेको छैन । यसको ‘सुनामी’ व्यापारको अगाडि ठूला मानिएका फिल्महरू समेत निरीह देखिएका छन् ।

सर्वकालीन ब्लकबस्टर फिल्म ‘पूर्णबहादुरको सारङ्गी’का निर्देशक सरोज पौडेलले नयाँ फिल्मको घोषणा गरेका छन् । उनको निर्देशनमा बन्न लागेको फिल्मको नाम ‘सिन्दुरे जात्रा’ राखिएको छ । बिहीबार युट्युबमार्फत टाइटल टिजर सार्वजनिक गर्दै उक्त फिल्मको निर्माण घोषणा गरिएको हो । शीर्षकले पौराणिक कथावस्तुमा फिल्म आधारित रहने संकेत गर्छ ।

अभिनेत्री साम्राज्ञी आरएल शाहले विशाल खरेलसँग इन्गेजमेन्ट गरेपछि यतिबेला उनको व्यापक आलोचना भइरहेको छ । विशाल पहिल्यै विवाहित र एक बच्चाको बाबु समेत रहेको थाहा हुँदाहुँदै सम्बन्ध अघि बढाएको, अरुको परिवार तोड्ने काम गरेको जस्ता आरोप उनीमाथि लागेका छन् । यसबारे उनले बुधबार इन्स्टाग्राममा एक पोस्टमार्फत स्पष्टीकरण दिइसकेकी छन् । 

स्व. निर्देशक शिव रेग्मीकी भान्जी एकता पौडेलको डेब्यु निर्देशकीय फिल्म ‘हर्ष’ भोलि शुक्रबारबाट प्रदर्शनमा आउने तयारीमा छ । वंश (उत्तराधिकारी)को विषयलाई मुख्य कथावस्तु बनाइएको यो फिल्मको बुधबार साँझ ललितपुरको लबिम हलमा प्रिमियर आयोजना गरिएको थियो, जहाँ उपस्थित सबैले कथावस्तुदेखि कलाकारहरूको अभिनयसम्मको प्रशंसा गरे ।

फिल्मको भाग्य पनि अनौठोको हुन्छ । कहिलेकाहीँ ठूलो स्टारकास्ट, भारी लगानी, र व्यापक प्रचार गरिएका फिल्मले अपेक्षित परिणाम दिन सक्दैनन् । बरु खासै अपेक्षा नगरिएका फिल्महरूले बक्स अफिसमा कीर्तिमान बनाउँछन् । दर्शकको रुचि, प्रचार शैली, प्रदर्शनको समय लगायतका पक्षले व्यापारमा प्रभाव पार्ने भएकाले प्रदर्शनपूर्व फिल्मको भविष्यबारे पूर्वानुमान गर्न सकिँदैन ।