Nepal's No.1 Filmy Web Magazine
अभिनेता सुशील श्रेष्ठलाई एक्सन अवतारमा प्रस्तुत गर्दै फिल्म ‘परिवर्तन’काे क्यारेक्टर पाेस्टर सार्वजनिक गरिएको छ । दिब्यासी फिल्म्सको ब्यानरमा निर्माण भएको यस फिल्मको बुधबार सार्वजनिक दोस्रो चरणको पोस्टरमा सात मुख्य कलाकारहरू आ-आफ्नो पात्र लुक्समा प्रस्तुत छन् ।
शोभित बस्नेतको निर्देशनमा बनेको फिल्म ‘पीआर’को ट्रेलर सार्वजनिक गरिएको छ । मंगलबार काठमाडौंमा पत्रकार सम्मेलनको आयोजना गर्दै दर्शकमाझ ल्याइएको ३ मिनेट १ सेकेन्ड लामो ट्रेलरमा नेपालबाट पढ्नका लागि अष्ट्रेलिया पुगेका युवाहरूको संघर्ष, सपना, र यथार्थलाई केन्द्रमा राखिएको छ । प्रेम र विछोडको मिश्रण पनि ट्रेलरमा छ ।
शुक्रबारदेखि प्रदर्शन हुन लागेको फिल्म ‘अभिमन्यु’को सोमबार साँझ ललितपुरस्थित लबिम मलको क्यूएफएक्स हलमा प्रिमियर गरिएको छ । फिल्मकर्मीहरूको उल्लेख्य उपस्थिति रहेको प्रिमियरमा सहभागीहरूले फिल्मको कथ्य शैली, निर्देशन र कलाकारहरूको अभिनयको प्रशंसा गर्दै फिल्मले दर्शकलाई सुरुदेखि अन्त्यसम्म बाँधेर राख्ने प्रतिक्रिया दिएका छन् ।
स्वर्गीय निर्देशक शिव रेग्मीले लेखेका थुप्रै गीतहरूमध्ये ‘पाहुना’ कालजयी मानिन्छ । सन् २००३ मा प्रदर्शन भएको फिल्म ‘पाहुना’मा उक्त गीत समावेश थियो । यही गीतलाई नयाँ एरेन्जमेन्टसहित निर्देशक रेग्मीकै भान्जी एकता पौडेलले आफ्नो पहिलो निर्देशकीय फिल्म ‘हर्ष’मा समावेश गरेकी छन् । यो गीत सोमबार युट्युबमार्फत सार्वजनिक गरिएको छ ।
प्रभात पाल र स्मारिका ढकालको रोमान्सलाई समेटिएको गीत ‘मेरो प्रियतम’ सार्वजनिक भएको छ । आगामी पुष १० गतेबाट प्रदर्शनमा आउन लागेको फिल्म ‘मुगलान’मा समावेश यो गीत सोमबार सार्वजनिक भएको हो ।
लभ स्टोरी फिल्मका ज्ञाता मानिने निर्देशक दिनेश राउतको नयाँ प्रेम कथानक ‘कुमारी’को पहिलो गीत 'कता छौ मेरो फूल’ सार्वजनिक भएको छ। गीत सार्वजनिकसँगै निर्माण टिमले फिल्मको रिलिज मिति पनि घोषणा गर्दै माघ २३ गते देशभर प्रदर्शनमा आउने जनाएको छ। रिलिज मिति ‘भ्यालेन्टाइन डे’ नजिक परेकाले फिल्मले युवा दर्शकलाई लक्ष्य लिएको बुझिन्छ।
