Nepal's No.1 Filmy Web Magazine

अभिनेता धीरज मगर र अभिनेत्री मिरुना मगरले पहिलो पटक सहकार्य गरेको फिल्म ‘कुस्ती’को छायांकन सकिएको छ । छायांकनको ३९औँ दिनमा गीतबाहेकका दृश्य सकेर मंगलबार ‘इन्डक्ल्याप’ गरिएको निर्माता तथा निर्देशक अनिल योञ्जनले जानकारी दिए । फिल्मलाई काठमाडौँ आसपासका क्षेत्रमा खिचिएको हो ।

यस वर्षका लागि अन्तिम दुई फिल्म ‘पिताम्बर’ र ‘कर्मा’ यही शुक्रबार (चैत २९ गते)बाट प्रदर्शनमा आउने तयारीमा छन् । एक्सन जनरामा बनेका यी दुवै फिल्मले वर्षको अन्त्य सुखद् गराउने अपेक्षा गरिएको छ । किनकि, दुवै फिल्ममा बलियो ‘स्टारकास्ट’ छ । र, प्रचार सामाग्रीले हाइप पनि राम्रो बनेको छ । अब बक्स अफिस प्रतिस्पर्धामा कुन कति बलियो रहन्छ, त्यो प्रतीक्षाको विषय हो ।

‘कबड्डी’ जोडी दयाहाङ राई र विजय बरालको मुख्य भूमिका रहेको फिल्म ‘वरिष्ठ बलराम’को छायांकन सकिएको छ । गत फागुन १८ गते बुढानीलकण्ठ मन्दिरमा मुहूर्त गर्दै छायांकन सुरु गरिएको फिल्म ३६ दिनमा मंगलबार प्याकअप भएको हो । चितवन र हेटौंडामा छायांकन भएको फिल्मलाई कथाले मागेको लोकेसनमा चाहेजसरी खिचिएको निर्देशक सुरेन्द्र पौडेलले बताए ।

कोराना महामारीअघि अभिनेता आकाश श्रेष्ठको फिल्ममा राम्रो माग थियो । त्यही मौकामा उनले पनि लगालग फिल्ममा काम गर्दै संख्या बढाए । तर, फिल्मको असफलता र अभिनयको आलोचना बढ्न थालेपछि यतिबेला उनी म्यूजिक भिडियोमा मात्र काम गरिरहेका छन् । दुई वर्षदेखि उनले फिल्म नै गरेका छैनन् । जसले गर्दा उनले फिल्ममा कामै पाउन छाडेको चर्चा चलिरहेको छ ।

बलिउड सुपरस्टार सलमान खान अभिनीत फिल्म ‘सिकन्दर’ बक्स अफिसमा टाँट पल्टिसकेको छ । ओपनिङ सन्तोषजनक भए पनि खराब रिभ्यूका कारण तेस्रो दिनबाट फिल्म खस्किएको थियो । जसले गर्दा फिल्मलाई सय करोड कमाउन पनि ८ दिन लाग्यो । सोमबारसम्म फिल्मको व्यापार भारतमा १०४ करोड छ । अब फिल्मले बढीमा २/३ करोड कमाउन सक्ने अनुमान गरिएको छ ।

चैते दशैंको छेको पारेर गत शुक्रबारबाट प्रदर्शनमा आएको गायक प्रकाश सपूत निर्देशित फिल्म ‘वसन्त’ले घरेलु बक्स अफिसमा अपेक्षित व्यापार गर्न नसकेको भए पनि दर्शकीय प्रतिक्रिया राम्रो मिलेको छ । फिल्मले उठाएको विषयवस्तु, कलाकारको अभिनय र संगीत पक्षको प्रशंसा भइरहेको छ । यसैको बलमा फिल्मले आगामी दिनमा व्यापारिक गति समात्ने विश्वासमा निर्माण टिम छ ।