Nepal's No.1 Filmy Web Magazine
अभिनेता तथा रोडिजका ग्याङ्ग लिडर अनुप विक्रम शाही अब बलिउड फिल्ममा देखिने भएका छन् । त्यो पनि भारतीय सुपरस्टार सलमान खानको साथमा । वार ड्रामा ‘ब्याटल अफ गलवान’बाट अनुपले बलिउड यात्रा सुरु गरेका हुन् । एक साताअघि भारतको उत्तर-पश्चिम क्षेत्रमा अवस्थित लद्दाखमा गरिएको फिल्मको पहिलो चरणको छायांकनमा अनुपले सलमानसँगै अभिनय गरेका थिए ।
कालजयी फिल्म ‘दर्पण छायाँ’का जोडी उत्तम प्रधान र निरुता सिंहलाई दर्शकले दुई दशकपछि फेरि एकसाथ फिल्ममा हेर्न पाउने भएका छन् । पछिल्लो पटक सन् २००३ मा प्रदर्शन भएको ‘उपहार’मा देखिएका उनीहरूले अब नयाँ फिल्म ‘महादशा’मा अभिनय गर्न लागेका हुन् । फिल्मका निर्देशक किरण नेपालीले शुक्रबार सामाजिक सञ्जालमार्फत् यसको पुष्टि गरेका छन् ।
२०७२ सालमा काठमाडौंको माइतीघर मण्डलामा भएको कार दुर्घटनाको चर्चा अझै हुने गरेको छ । विभत्स तरिकाले दुर्घटना भएको कार (बा १२ च ६१००) कान्तिपुर मिडिया ग्रुपका प्रबन्ध निर्देशक सम्भव सिरोहिया (कैलाश सिरोहियाका छोरा)ले चलाएको र त्यसमा सवार दुई युवतीमध्ये अभिनेत्री नीति शाह पनि एक रहेको बताइन्छ । तर, उक्त घटनाबारे प्रहरीमा भने कुनै रेकर्ड छैन ।
सन्तोष सेनको निर्माण तथा निर्देशनमा बनेको फिल्म ‘बलिदान’को ट्रेलर सार्वजनिक गरिएको छ । शुक्रबार संविधान दिवसको अवसर पारेर युट्युबमार्फत सार्वजनिक ३ मिनेभन्दा लामो ट्रेलरले फिल्मको मुख्य कथा प्रस्तुत गरेको छ । एक छोराले आमा र देशको रक्षाका लागि गर्ने लडाइँको कथामा यसमा छ । ट्रेलरमा एक्सनलाई प्राथमिकता दिइएको छ ।
यसपालिको दशैंको फूलपाती (१३ असोज)मा प्रदर्शन हुन लागेको फिल्म ‘माइतीघर’को ट्रेलर सार्वजनिक गरिएको छ । बिहीबार काठमाडौंमा एक कार्यक्रमको आयोजनापछि निर्माण पक्षले युट्युबमार्फत ट्रेलर दर्शकमाझ ल्याएको हो । ३ मिनेट लामो ट्रेलरले फिल्मको कथा मुख्यतः त्रिकोणात्मक प्रेमकथा र सांस्कृतिक द्वन्द्वको वरिपरि घुमेको स्पष्ट पार्छ ।
भाइटीका (६ कात्तिक)बाट फिल्म ‘जारी २: सङ अफ च्याब्रुङ’ दुई साता पछाडि सरेसँगै उक्त मितिमा प्रदर्शन हुन लागेका दुई फिल्म ‘सोल्टिनी’ र ‘वरिष्ठ बलराम’ले प्रचार अभियानलाई तीव्र बनाउन थालेका छन् । बिहीबार बिहान ‘सोल्टिनी’को टिजर सार्वजनिक भएको छ भने ‘वरिष्ठ बलराम’को पनि दुई नयाँ पोस्टर सार्वजनिक गरिएको छ ।
