Nepal's No.1 Filmy Web Magazine
दुई दशकअघिको चर्चित सिरियल ‘मदनबहादुर-हरिबहादुर’मा अभिनेता हरिवंश आचार्यले निर्वाह गरेको हरिबहादुरको चरित्र निकै रुचाइएको थियो । अझै पनि हरिवंशलाई यही चरित्रका कारण धेरैले सम्झने गर्छन् । अब उनले हरिबहादुरको चरित्र फिल्ममा पनि निभाउने भएका छन् । त्यो फिल्मको नाम हो, ‘हरिबहादुरको जुत्ता’ । बुधबार यो शीर्षकमा फिल्म बन्न लागेको जानकारी गराइयो ।
यही शुक्रबार (तीजको विदा)बाट प्रदर्शनमा आउन लागेको फिल्म ‘देवी’को ट्रेलरमा निर्मला पन्त हत्या प्रकरणको बारेमा पत्रिकामा लेखिएको एउटा ‘कटआउट’ प्रयोग छ । जसले गर्दा धेरैले निर्मला पन्तको घटनामा आधारित भएर फिल्म बनेको हुनसक्ने अनुमान गरेका छन् । तर, यसका निर्देशक सञ्जोग राईले कोही पनि बलात्कार पीडितलाई प्रयोग गरेर फिल्म नबनाएको दाबी गरेका छन् ।
यम शेर्पाको लेखन तथा निर्देशनमा तयार भएको फिल्म ‘कार्साङ्’ आगामी पुष २६ गतेबाट प्रदर्शनमा आउने भएको छ । मंगलबार पहिलो पोस्टर सार्वजनिक गर्दै प्रदर्शन मिति घोषणा गरिएको हो । पोस्टरमा फिल्मका शीर्ष अभिनेता दयाहाङ राई र नव-अभिनेत्री सिर्जना निङलेखु प्रस्तुत छन् । सुरुवाल मात्र लगाएर रिसाएको भावमा देखिएका उनको कसैसँग ठूलै झगडा भएको प्रष्ट बुझिन्छ ।
अभिनेता पल शाहले फिल्ममा ‘रोमान्टिक लभर ब्वाईको छवि’ बनाएका छन् । पहिलो फिल्म ‘नाइँ नभन्नू ल ४’देखि उनी रोमान्टिक भूमिकामा देखिँदै आएका छन् । र, यो नै उनको ‘कम्फर्ट जोन’ बनेको छ । तर, यही शुक्रबारबाट प्रदर्शनमा आउन लागेको फिल्म ‘रावायण’बाट उनी आफ्नो ‘छवि’ बदल्न खोज्दैछन् । किनकि, यसमा उनी एक्सन भूमिकामा छन् । त्यसमा पनि दोहोरो चरित्र छ ।
आगामी कात्तिक ३० गते (गुरु नानक जयन्तीको दिन) नेपाली फिल्मबीच त्रिपक्षीय भिडन्त हुने भएको छ । अभिनेता नीता ढुंगाना र अभिनेता हरिहर अधिकारी दम्पतीको निर्माण तथा अभिनय रहेको फिल्म ‘ह्रस्व दीर्घ’ र अभिनेता सौगात मल्ल स्टारर फिल्म ‘बम बहादुर’ले कात्तिक ३० गतेलाई प्रदर्शन मिति तय गरिसकेको अवस्थामा अब अर्को फिल्म ‘केटी हराएको सूचना’ पनि थपिएको छ ।
अभिनेत्री पूजा शर्मा र गायिका समीक्षा अधिकारीबीचको सम्बन्ध ‘जति बुझ्यो त्यति कठीन, झन्झन् बुझ्यो झन् कठिन’ छ । अभिनेता पल शाहमाथि मुद्धा दायर भएपछि पूजाले समीक्षाको चरित्रमाथि नै प्रश्न उठाएकी थिइन् । त्यसबेला दुवैको सम्बन्ध वारपार थियो । तर, पल रिहा भइसकेर पनि भेट्न नआएपछि पूजाले समीक्षासँग घनिष्टता बढाइन् । दुवैले दिदी-बहिनी भन्दै थुप्रै टिकटक बनाए ।
