Nepal's No.1 Filmy Web Magazine
कलाकारको बलियो ‘लाइनअप’ रहेको फिल्म ‘के घर के डेराः घर नं २’ यही शुक्रबारबाट प्रदर्शनमा आउने तयारीमा छ । यसमा खगेन्द्र लामिछाने, निश्चल बस्नेत, आर्यन सिग्देल, केकी अधिकारी जस्ता चिरपरिचित कलाकार छन् भने ‘पशुपति प्रसाद’ निर्देशक दीपेन्द्र के. खनालको निर्देशन तथा उपन्यासकार बुद्धि सागरको लेखन छ । ती तीन कारणले फिल्मप्रति दर्शकमा उच्च अपेक्षा छ ।
डेढ दशकभन्दा लामो समयदेखि सरकारको नीति तथा कार्यक्रम र बजेटमा मात्र सीमित भएको फिल्म छायांकन गर्ने अत्याधुनिक इन्डोर स्टुडियो अब भने निर्माण हुने भएको छ । प्रधानमन्त्री केपी शर्मा ओलीले मंगलबार दिउँसो बालुवाटारमा आयोजित एक कार्यक्रमका बीच बनेपा नगरपालिकास्थित वडा नं. १० र १३ मा बन्ने स्टुडियोको निर्माण आरम्भ उद्घोष (शिलान्यास) गरेका छन् ।
सन्तोष कुमार आत्रेयको डेब्यु निर्देशनमा बन्न लागेको फिल्म ‘शिवांश’को छायांकन सुरु गरिएको छ । मंगलबार बिहान पोखराको लामाचौरस्थित अकला मन्दिरमा स्क्रिप्ट र क्यामरा पूजा गरेपछि दृश्य खिच्न थालिएको हो । फिल्मलाई पोखराका विभिन्न स्थानमा करिब एक महिना खिचिने निर्माता अञ्जान केसीले जानकारी दिए ।
निर्देशक शोभित बस्नेतले दुई चरणमा गरेर आफ्नो नयाँ फिल्म ‘पीआर’को सम्पूर्ण छायांकन सकाएका छन् । नेपालमा १० दिन छायांकन गरेपछि सोमबार फिल्म प्याकअप भएको हो । नेपालअघि गत फागुनमा १८ दिन अष्ट्रेलियामा फिल्म खिचिएको थियो । नेपालमा धम्पुस, पोखरा र चित्लाङमा फिल्मको छायांकन गरिएको हो ।
कीर्तिमानी फिल्म ‘पूर्णबहादुरको सारङ्गी’का अभिनेता विजय बरालको मुख्य भूमिका रहेको नयाँ फिल्म ‘जनै हराएको बाहुन’को छायांकन सकिएको छ । गत चैत २५ गते काभ्रेबाट सुरु गरिएको छायांकन सोमबार ३५ दिनमा प्याकअप भएको हो । छायांकन सकिएको खुसीयालीमा निर्माण टिमले सोही साँझ ललितपुरको च्यासलस्थित एक ब्याङ्क्वेटमा पार्टी समेत आयोजना गरेको थियो ।
निर्देशक रामबाबु गुरुङ र कवि तथा निर्देशक उपेन्द्र सुब्बाबीच लामो समय फिल्ममा सहकार्य भयो । तर, सुब्बाको निर्देशन र रामबाबुको निर्माणमा बनेको ‘जारी’को सफलतापछि भने आर्थिक लेनदेनको विषयले उनीहरुको सम्बन्ध बिग्रिएको थियो । यसपछि दुवैले आ-आफ्नै हिसाबले फिल्म बनाए । तर, छुट्टिएर बनाएको फिल्म अपेक्षित रूपमा नचलेपछि उनीहरुबीच मिलन भएको छ ।
