Nepal's No.1 Filmy Web Magazine
दर्शकमाझ ‘तक्मे बुढा’को रुपमा परिचित कलाकार विल्सन विक्रम राई डिजिटल सेवा प्रदायक कम्पनी ‘तोक्मा टेक्नोलोजीज’को ब्रान्ड एम्बासडरमा नियुक्त भएका छन् । सोमबार काठमाडौंमा एक कार्यक्रमबीच कम्पनीले उनलाई आफ्नो ‘ब्रान्ड फेस’को रुपमा सार्वजनिक गर्दै एपमार्फत् सेवा पनि सुरु गरेको छ । यसमा राइड शेयरिङ, टुर गाइड, शपिङ, सेक्युरिटी जस्ता सुविधाहरू छन् ।
बाबु साहेब बलामीको निर्देशनमा फिल्म ‘तुलसीराम’ निर्माण हुने भएको छ । सोमबार बुद्ध जयन्तीको अवसर पारेर फिल्मको निर्माण घोषणा गरिएको हो । आगामी जेठ अन्तिमबाट फिल्मको छायांकन सुरु हुने निर्देशक बलामीले जानकारी दिए । उनका अनुसार फिल्मलाई काठमाडौं, चित्लाङ्ग र हेटौंडामा खिचिनेछ ।
नेपाली फिल्म क्षेत्रमा मौलिक फिल्मको भाष्य गाउँमा मात्र आधारित हुनुपर्छ भन्ने छ । गाउँबाहेकको कथामा बनेका फिल्मलाई त्यो कोटीमा राखिँदैन । तर, अभिनेता खगेन्द्र लामिछानेलाई गाउँको कथा मात्र मौलिक होइन भन्ने लाग्छ । सहरका कथा पनि मौलिक हुने उनको बुझाइ छ । यसैले उनी आफ्नो नयाँ फिल्म ‘के घर के डेरा : घर नम्बर २’लाई सहरको मौलिक कथा भन्न रुचाउँछन् ।
‘कबड्डी’ जोडी दयाहाङ राई र रिश्मा गुरुङको मुख्य भूमिका रहेको नयाँ फिल्म ‘रिमै’को प्रदर्शन मिति घोषणा गरिएको छ । सोमबार बुद्ध जयन्तीको अवसरमा तीनवटा पोस्टर सार्वजनिक गर्दै आगामी भदौ २७ गतेबाट फिल्म विश्वव्यापी प्रदर्शनमा आउने जानकारी गराइएको हो । जितिया पर्व र संविधान दिवसको विदालाई लक्षित गरेर ‘रिमै’को प्रदर्शन मिति घोषणा गरिएको देखिन्छ ।
अभिनेत्री उषा पौडेल विवाह बन्धनमा बाँधिएकी छन् । अभिनेता राहुल केसीसँग उनले आइतबार लगनगाँठो कसेकी हुन् । संयुक्त राज्य अमेरिकाको म्यारिल्याण्ड राज्यमा रहेको ग्लेन आर्मस्थित एक मन्दिरमा उनीहरूले हिन्दू परम्पराअनुसार विवाह गरेका हुन् । विवाह समारोहमा दुई पक्षका परिवारसहित अमेरिकामा बस्दै आएका उनीहरू निकट फिल्मकर्मीहरूको उपस्थिति रहेको थियो ।
घरेलु बक्स अफिसमा सुखद् व्यापार गरिरहेको नवीन चौहान निर्देशित फिल्म ‘ऊनको स्वीटर’को नयाँ गीत ‘चाइनेजो जिन्दगानीमा’ आइतबार सार्वजनिक गरिएको छ । लोकशैलीको गीतमा फिल्मका अभिनेता एलेक्स पारस र अभिनेत्री परीक्षा लिम्बूको आकर्षक नृत्य देख्न सकिन्छ । उनीहरुको नृत्य, भावभंगी र पहिरनले ‘दर्पण छायाँ’ जोडी दीलिप रायमाझी र निरुता सिंहको याद दिलाउँछ ।
