Nepal's No.1 Filmy Web Magazine
नेपालमा सस्पेन्स थ्रिलर कथामा विरलै फिल्म बन्छन् । गत शुक्रबारबाट प्रदर्शनमा आएको फिल्म ‘अभिमन्यु’ यस्तै सस्पेन्स थ्रिलर ड्रामा हो, जसले दर्शकलाई सस्पेन्समा बाँध्दै नेपाली समाजको यथार्थ कथा प्रस्तुत गर्छ ।
चर्चित गायक रामकृष्ण ढकालले पहिलो पटक निर्माण गरेको फिल्म ‘मालती मङ्गले’मा दुईवटा गीत समावेश हुने भएका छन् । त्यसमध्ये एउटा गीत ‘ढुङ्गा माथि लेउ’को सोमबार काठमाडौंको जर्सिङ पौवामा छायांकन भइरहेको छ । एसडी योगीको संगीत रहेको गीतलाई रामकृष्ण ढकाल र रीतिका श्रेष्ठले स्वर दिएका छन् भने शब्द हर्क साउदका हुन् ।
हास्य कलाकार अर्जुन घिमिरे ‘पाँडे’को डेब्यु निर्देशकीय फिल्म ‘झरीपछिको इन्द्रेणी’को ट्रेलर सार्वजनिक गरिएको छ । आइतबार काठमाडौंमा आयोजित एक कार्यक्रमका बीच फिल्मको २ मिनेट ५५ सकेण्ड लामो ट्रेलर सार्वजनिक गरिएको हो । ट्रेलरले कथावस्तुका बारेमा प्रकाश पारेको छ ।
अष्ट्रेलियामा अध्ययन र मोडलिङ गर्दै आएका सुरज पौडेलले फिल्म ‘पीआर’ मार्फत नेपाली चलचित्र क्षेत्रमा डेब्यु गर्दैछन्। आउँदो शुक्रबारबाट देशभर प्रदर्शनमा आउन लागेको यो फिल्मको ९९ प्रतिशत कथा आफ्नो जीवनसँग मिल्ने उनले बताए ।
घरेलु बक्स अफिसमा ऐतिहासिक सफलता हासिल गरेको नेपाली फिल्म ‘ऊनको स्वीटर’ ले अहिले भारतमा पनि धमाका मच्चाएको छ। नेपालमा ५१ दिनसम्म ४० भन्दा बढी सिनेमा हलहरूमा लगातार प्रदर्शन भई करिब १२ करोड रुपैयाँको उल्लेखनीय आम्दानी गरेको यो फिल्म अहिले भारतीय दर्शकहरूको मागअनुसार प्रमुख सहरहरूमा सफलतापूर्वक प्रदर्शन भइरहेको छ र दर्जनौँ नयाँ स्थानमा रिलिज हुने तयारीमा छ।
नेपाली फिल्मकी चर्चित नायिका तथा निर्मात्री पूजा शर्माले प्रेमी युद्ध बानियाँसँग लगनगाँठो कसेकी छन्। उनीहरुले आफ्नो ६ वर्ष लामो प्रेम सम्बन्धलाई शनिबार वैवाहिक बन्धनमा परिणत गरेका हुन्।
