Nepal's No.1 Filmy Web Magazine
तुलसी घिमिरे निर्देशित फिल्म ‘दर्पण छायाँ २’बाट अभिनय करिअर सुरु गरेका अभिनेता फिरोज तिमल्सेना अब निर्देशक बन्ने भएका छन् । उनले फिल्म ‘कहाँ गयौ तिमी’बाट निर्देशनमा डेब्यु गर्न लागेका हुन् । शनिबार श्रीकृष्ण जन्माष्टमीको दिन पारेर थिम पोस्टर सार्वजनिक गर्दै फिल्म निर्माणको घोषणा गरिएको हो ।
‘पाँडे’को रुपमा दर्शकमाझ चिनिएका कलाकार अर्जुन घिमिरेको पहिलो निर्देशकीय फिल्म ‘झरी पछिको इन्द्रेणी’को छायांकन पूरा नहुँदै विदेश प्रदर्शन अधिकार बिक्री हुन थालेको छ । यतिबेला काठमाडौं आसपासमा छायांकन भइरहेको फिल्मको शुक्रबार निर्माण पक्षले अष्ट्रेलिया प्रदर्शन अधिकार बिक्री गरेको छ । राम कार्कीले फिल्मको राइट्स खरिद गरेका हुन् ।
यसपालिको दशैंको फूलपाती अर्थात् १३ असोजबाट प्रदर्शनमा आउन लागेको फिल्म ‘बलिदान’को टिजर सार्वजनिक गरिएको छ । शनिबार श्रीकृष्ण जन्माष्टमीको दिन पारेर सार्वजनिक झन्डै २ मिनेट लामो टिजरले दर्शकमा क्रोध, आक्रोश, बदला र देशभक्ति भावना प्रज्वलित गराउँछ । अन्यायविरुद्ध लड्ने एक पात्र (समीर भट्ट)को वरिपरि टिजर केन्द्रित छ ।
कुमार केसीको निर्देशनमा बनेको फिल्म ‘मेरो जुत्ता खोइ’को प्रदर्शन मिति तय नहुँदै पहिलो गीत ‘दिलको ढोका खोलेर’ सार्वजनिक गरिएको छ । राजेश पायल राई र मेलिना राईको स्वरमा रहेको गीतमा डा. ओमकृष्ण प्रसाईंको शब्द रचना, विकास चौधरीको संगीत तथा सञ्जय हमालको एरेन्ज छ ।
नेपाली र हिन्दी भाषामा बनेको फिल्म ‘अभिमन्यु’को नयाँ गीत ‘लड्की गोरी’ सार्वजनिक गरिएको छ । भोजपुरी शैलीमा तयार पारिएको गीतमा शब्द, संगीत र स्वर प्रशान्त सिवाकोटी र प्रेरणा सिंहको रहेको छ । संगीत संयोजन विषम आचार्यले गरेका छन् । उक्त गीत भोजपुरी लवजमा भए पनि भाषा नेपाली नै प्रयोग गरिएको छ ।
गत वर्ष व्यावसायिक रुपमा सफल भएको फिल्म ‘होस्टेल ३’ अब भारतमा प्रदर्शन हुने भएको छ । सशान कँडेलको निर्देशनमा बनेको यो फिल्म आगामी ५ सेप्टेम्बर अर्थात् भदौ २० गतेदेखि भारतका सिक्किम, दार्जिलिङ, सिलगुडी, सिन्ताम, गुवाहाटी, आसाम, मणिपुर सहरका ५० बढी हलमा एकैसाथ प्रदर्शन हुन लागेको हो ।
