Nepal's No.1 Filmy Web Magazine

सेलिब्रेटीहरु सकेसम्म प्रेम सम्बन्ध लुकाउन चाहन्छन् । यसले करिअरलाई असर गर्ने सोचाइका कारण उनीहरु प्रेम सम्बन्ध गोप्य राख्नु निको ठान्छन् । कतिलाई भने यी कुनै कुराको प्रवाह हुँदैन । ती जोडी एकअर्काप्रति प्रेम अभिव्यक्त गर्न कुनै माध्यम बाँकी राख्दैनन् । अभिनेता सविन श्रेष्ठ र अभिनेत्री अनु शाह यसका उदाहरण हुन् । खुल्लम खुल्लम प्रेममा रमाएको जोडी हो यो ।

लकडाउनको समयमा नेपाली कलाकारहरुले सबैभन्दा बढी मिस के गरिरहेका होलान् ? यो कुरा जो कोहीले अनुमान गर्न सक्छ । उनीहरुलाई फिल्म वा म्यूजिक भिडियोको सेटमा विताएका पल सबैभन्दा धेरै याद आइरहेको छ । फेरि पहिलेझैँ कहिलेबाट एक्सन कटमा रमाउन पाइएला भनेर उनीहरु पर्खेर बसेका छन् । तर, लकडाउन पूर्ण रुपमा नखुलेसम्म यो सम्भव छैन । 

कोभिड १९ बाट बच्न लकडाउनको घोषणा भएपछि लामो समय घरभित्रै नजरबन्द भइन्, साम्राज्ञी आरएल शाह । लकडाउनको सुरुवाती केही दिन परिवारसँग समय विताउन पाउँदा उनी खुसी थिइन् । उनले लकडाउनमा वितेको आफ्नो दैनिकीको जानकारी इन्स्टाग्राममार्फत् दिइरहेकी हुन्थिन् । बढीजसो उनी इन्स्टा स्टोरीमा घरमा पाकेका परिकारका तस्विरहरु शेयर गर्ने गर्थिन् ।

बलिउड अभिनेता सुशान्त सिंह राजपूतको आत्महत्यापछि बलिउडमा नेपोटिज्मको विषय चर्किएको छ । यो विषयमा बलिउड अभिनेत्री आलिया भट्टकी आमा सोनी राजदानले पनि आफ्नो भनाई सार्वजनिक गरेकी छन् । उनले ट्विटरमा प्रश्न गर्दै लेखेकी छन्, ‘जो नेपोटिज्मको विषयमा हल्ला गर्दैछन्, के उनीहरुको सन्तान इन्डस्ट्रीमा काम गर्न चाहेको खण्डमा सपोर्ट गर्छन् ?’ 

सुन्दरी अभिनेत्री गरिमा पन्त काँचको पर्दामा नदेखिएको लामो समय भइसकेको छ । बेल्जियम निवासी हरि शर्मा थपलियासँग लगनगाँठो कसेपछि उनी सक्रिय अभिनय जीवनबाट टाढा भइन् । उनी पछिल्लो पटक फिल्म ‘तीन घुम्ती’ मा देखिएकी थिइन् । श्रीमानसँग बेल्जियममा बस्दै आएकी उनी लकडाउन हुनुभन्दा अगाडि पारिवारिक भेटघाटका लागि नेपाल आएकी थिइन् । 

कोरोना भाइरसका कारण विश्व फिल्म बजार तहसनहस भएको छ । विगत चार महिनादेखि विश्वका अधिकांश मुलुकमा फिल्म निर्माण र प्रदर्शन ठप्प छ । लाखौं सिनेमा हल बन्द छन् । यो अवस्था कहिलेसम्म रहन्छ, कुनै टुंगो छैन । सिनेमा हल बन्द हुँदा अहिले विश्वमा डिजिटल प्लेटफर्ममा फिल्म हेर्ने दर्शक बढेका छन् । नेपालमा पनि धेरैको यसतर्फ आकर्षण बढेको छ ।