Nepal's No.1 Filmy Web Magazine
चीनबाट फैलिएको कोरोना भाइरसको उच्च जोखिममा नेपाल पनि रहेको विश्व स्वास्थ्य सङ्गठनले बताएपछि अहिले हरेकको मनमा त्रास उत्पन्न भएको छ । सरकारले यसको जोखिमलाई मध्यनजर गर्दै देशभर सचेतना तथा जोखिम न्यूनिकरणका उपाय अपनाइरहेको छ । नेपाली फिल्मकर्मीहरुले पनि दर्शकको स्वास्थ्यलाई ख्याल गर्दै फिल्मको प्रदर्शन स्थगित गरिरहेका छन् ।
संख्यात्मक हिसाबले अभिनेत्री मिरुना मगरले ‘लालपूर्जा’, ‘रोज’, ‘साइनो’ र ‘च च हुईं’ गरि चार फिल्ममा अभिनय गरिसकेकी छन् । भर्सटायल अभिनेताको रुपमा चिनिने सौगात मल्ल र विपिन कार्कीसँगको फिल्म ‘लालपूर्जा’ बाट अभिनेत्रीको रुपमा डेब्यू गरेकी उनले अहिलेसम्म हिटको सुख भने प्राप्त गर्न सकेकी छैनन् । उनले अभिनय गरेका सबै फिल्मले हलमा घुँडा टेकेका छन् ।
बलिउड सुपरस्टार सलमान खानको केही फिल्म पाइपलाइनमा छन् । फिल्म ‘दबंग ३’ पछि अहिले उनी ‘राधे : योर मोस्ट वान्टेड भाई’ मा व्यस्त छन् । कोरोना भाइरसको त्रासका कारण तत्काललाई यो फिल्मको छायांकन रोकिएको छ । यो फिल्मपछि उनले ‘कभी ईद कभी दिवाली’ गर्नेछन् । फरहद सामजीले निर्देशन गर्ने फिल्ममा सलमानको जोडी पूजा हेगडेसँग बाँधिएको छ ।
सबै कुरा सोचेजस्तै भए अभिनेता सौगात मल्ल र अभिनेत्री सृष्टि श्रेष्ठ अर्को वर्ष बैबाहिक जीवनमा बाँधिनेछन् । उनीहरुलाई परिवारबाट समेत विवाहका लागि अनुमति मिलिसकेको छ । २ वर्षदेखि प्रेम सम्बन्धमा रहेका उनीहरु पछिल्लो समय खुल्लम खुल्ला प्रेममा रमाइरहेका छन् । सामाजिक सञ्जालमार्फत् सृष्टिले बाक्लै रुपमा सौगातप्रति प्रेम भाव व्यक्त गरिरहेकी हुन्छिन् ।
छायांकन सुरु हुनुभन्दा अगावै सुदर्शन थापाले फिल्म ‘म यस्तो गीत गाउँछु २’ को प्रदर्शन मिति फागुन २३ गतेलाई घोषणा गरेका थिए । तर, यही मितिमा बलिउडको ठूलो फिल्म ‘बागी ३’ आउने भएपछि सुदर्शनले भिड्ने आँट गरेनन् । र, एक हप्ता पछाडि सार्दै फागुन ३० गतेलाई फिल्मको नयाँ प्रदर्शन मिति घोषणा गरे । फिल्मको प्रचार-प्रसार जोडतोडले भैरहँदा फेरि फिल्म सर्यो ।
चीनबाट महामारीको रुपमा फैलिएको कोरोना भाइरसबाट विश्वका सयभन्दा बढी देश प्रभावित भएका छन् । नेपाल समेत यो रोगको उच्च जोखिममा रहेको विश्व स्वास्थ्य सङ्गठनले जानकारी गराइसकेको छ । जसले गर्दा हरेक नेपालीको मनमा त्रास उत्पन्न भएको छ । सरकारले कोरोनाको जोखिम न्यूनिकरणका लागि मानिसको भीडभाड हुने कार्यक्रममा रोक लगाइसकेको छ ।
