Nepal's No.1 Filmy Web Magazine
कोरोनाको त्रासका कारण प्रदर्शनको तयारीमा रहेका फिल्मको प्रदर्शन मिति पोस्टपोन्ड भैरहेको अवस्थामा फिल्म ‘गोर्खे’ को टिमले भने पोस्टर सार्वजनिक गरेको छ । दुई पोस्टरमा अभिनेता रविन्द्र प्रताप सेनलाई विशेष प्राथमिकता दिइएको छ । एउटामा सैनिक पोशाकमा रविन्द्र हातमा बन्दुक बोकेर क्रोद्धित मुद्रामा देखिएका छन् भने अर्कोमा हातमा खुकुरी बोकेर दौडिरहेका छन् ।
विश्वभर महामारीको रुपमा फैलिएको कोरोना भाइरसको संक्रमणबाट बच्न नेपाल सरकारले बिहीवारबाट देशभरका सिनेमा हलहरु बन्द गर्ने निर्णय गरेसँगै चैत र बैशाख दोस्रो सातासम्म प्रदर्शनका लागि तयारी अवस्थामा रहेका नेपाली फिल्मको रिलिज भद्रगोल भएको छ । बिहीवारबाट सम्पूर्ण सिनेमा हल बन्द भएपछि निर्माताहरु फिल्मको प्रदर्शन सार्न बाध्य भएका छन् ।
चीनबाट फैलिएको कोरोना भाइरसको संक्रमण अहिलेसम्म नेपालमा नदेखिए पनि विश्व स्वास्थ्य संगठनले कोरोनाको उच्च जोखिममा नेपाललाई राखेपछि अहिले आम जनमानस त्रास उत्पन्न भएको छ । सरकारले भीडभाडमा नजान, अत्यावश्यक कामभन्दा बाहेक अरु समयमा घर बाहिर ननिस्कन, अनिवार्य रुपमा हात धुन र मास्क लगाएर हिँड्न आह्वान गरिरहेको छ ।
नेपाल सरकारले आउँदो बैशाख १८ गतेसम्मलाई सम्पूर्ण सिनेमा हलहरु बन्द गर्ने निर्णय गरेको छ । उपप्रधान एवं रक्षामन्त्री ईश्वर पोखरेलको नेतृत्वमा रहेको कोभिड–१९ रोकथाम तथा नियन्त्रण उच्च स्तरीय समन्वय समितिले बुधबार बैशाख १८ सम्मलाई सिनेमा हल, सांस्कृतिक केन्द्रहरु, रंगशाला, जिम, हेल्थ क्लब,म्युजियम लगायतका मनोरञ्जन स्थल बन्द गर्ने निर्णय गरेको हो ।
कोरोना भाइरस विश्वभर महामारीका रुपमा फैलिरहेका बेला नेपालमा पनि यसको त्रास देखिएको छ । जसको प्रत्यक्ष असर नेपालका हरेक क्षेत्रमा परेको छ । यसबाट नेपाली फिल्म क्षेत्र पनि अछुतो रहन सकेको छैन । कोरोनाको जोखिम न्यूनिकरणका लागि सरकारले दर्शकको ठूलो भीड हुने सिनेमा हलमा नजान आग्रह गरेपछि केही दिनयता हलमा दर्शकको चर्को अभाव छ ।
डेढ वर्षअघि प्रदर्शनमा आएको मिलन चाम्स निर्देशित फिल्म ‘बोबी’ बाट अभिनेत्रीको रुपमा डेब्यू गरेकी कविता गुरुङ यसपछि पर्दामा देखिएकी छैनन् । यो फिल्म उनकै वास्तविक प्रेम कथामा निर्माण भएको थियो । उमेश थापासँग भागी विवाह गरेपछि कविताको जीवनमा आएका उतार-चढावलाई फिल्ममा मनछुने ढंगबाट उतारिएको थियो । दर्शकले फिल्म निकै रुचाएका थिए ।
