Nepal's No.1 Filmy Web Magazine

फिल्म ‘प्रेमगीत ३’ को निर्माण टिमले सर्वसाधारणलाई मास्क वितरण गरेको छ । कोरोना भाइरस संक्रमणको त्रास फैलिएसँगै बजारमा मेडिकल मास्क अभाव भएपछि फिल्मको टिमले निःशुल्क मास्क वितरण गरेको हो । आइतवार दिउँसो फिल्मका निर्माता सन्तोष सेन, अभिनेता प्रदीप खड्का र अभिनेत्री क्रिस्टिना गुरुङले कोटेश्वर, लगनखेल र गोंगबु क्षेत्रमा मास्क बाँडेका हुन् ।

कोरोना भाइरसले विश्वभर सन्त्रास मच्चाइरहेका अवस्थामा त्यसबाट नेपाल पनि अछुतो छैन । खुल्ला नाका भएको छिमेकी मुलुक भारतमा यो रोगका संक्रमितको संख्या दिनानुदिन बढ्दै जान थालेपछि अहिले नेपालमा विशेष सावधानी अपनाइएको छ । सरकारले अत्यावश्यक कामबाहेकका सबै सेवा बन्द गरिसकेको छ भने घरभन्दा बाहिर ननिस्कन आग्रह गरेको छ ।

विश्वभर महामारीको रुपमा फैलिएको कोरोना भाइरस (कोभिड–१९) का कारण लण्डनमा हुने भनिएको थर्ड आई टिमको अवार्ड कार्यक्रम अनिश्चितकालका लागि स्थगित भएको छ । थर्ड आई टिमले मे २४, २०२० (जेठ ११) मा लण्डनमा आयोजना गर्न लागेको मनोरञ्जन, खेल, पत्रकारिता, साहित्य र लाइफटाइम अचिभमेन्ट विधाको अवार्ड केही समयका लागि पछाडि सारिएको हो ।

यही चैत्र दोश्रो साताबाट छायांकनमा जाने तयारीमा रहेको फिल्म ‘के घर के डेरा’ को छायांकन पोस्टपोन्ड भएको छ । विश्वभर महामारीको रुपमा फैलिएको कोरोना भाइरसका कारण सरकारले फिल्मका सम्पूर्ण गतिविधि रोक्न आह्वान गरेपछि सतर्कता अपनाउँदै अवस्था सामान्य नभएसम्मका लागि छायांकन रोकिएको निर्देशक सुब्रतराज आचार्यले जानकारी दिएका छन् ।

विश्वभर फैलिएको कोरोना भाइरस (कोभिड–१९) को प्रभावबाट नेपाल पनि मुक्त छैन । अहिलेसम्म कसैमा यसको संक्रमण नदेखिए पनि भारतमा कोरोना संक्रमित बढेसँगै नेपालमा त्रासदी उत्पन्न भएको छ । यसबाट बच्न नेपाल सरकारले आइतवारबाट अत्यावश्यक बाहेकका सेवाहरू १२ दिनका लागि बन्द गरिसकेको छ भने घरभन्दा बाहिर ननिस्कन आग्रह गरेको छ ।

कोरोना भाइरसले महामारीको रुप लिएपछि बन्द भएका चीनका सिनेमा हलहरु फेरि सुरु हुन थालेका छन् । चीनको एक फिल्म टिकट एपका अनुसार, करीब १७ वटा हल फेरि खुलेका छन् । तर, पहिलो दिन फिल्मको कलेक्सन १ हजार ७० डलर मात्र रह्यो । महामारी फैलिएपछि चीनमा बिहीवार यस्तो पहिलो दिन थियो, देशमा एक जना पनि कोरोना संक्रमित व्यक्ति भेटिएनन् ।